Archives quotidiennes: 16 décembre 2020
Saritany vaovaon’i Madagasikara : ho fantatra amin’ny taona 2021
Ho fantatra amin’ny taona 2021 ny saritany vaovaon’i Madagasikara hahafahana mahafantatra ny filàna isaky ny faritra sy ny Kaominina, hanafainganana ny fampandrosoana. Io no vokatry ny fifanaovan-tsoniam-piaraha-miasa eo amin’ny tetikasa CASEF sy ny Foibe taon-tsarintany Malagasy, izay nosoniavina androany.
Fananan-tany – Avaradrano : nomena fiofanana ireo ben’ny tanàna sy filohan’ny mpanolontsaina
Nanomboka androany, ary haharitra roa andro, ny fampiofanana sy ny fanomezana torolalana ireo ben’ny tanàna sy filohan’ny mpanolontsain’ny tanàna ao Avaradrano mahakasika ny tontolon’ny fananan-tany. Ny hampihena ireo tsy fanarahan-dalàna eny anivon’ny Kaominina tsirairay avy no tanjona.
Mpisehatra amin’ny fizahantany sy ny orinasa afak’haba : mihemotra ny fandoavan-ketra
Hiemotra 3 volana aorian’ny fisokafan’ny sisin-tany ny fandoavan-ketra ho an’ny mpisehatry amin’ny fizahantany sy ny orinaa afak’haba. Voatazona kosa ny fotoana fandoavana izany ho an’ny sehatra maro hafa.
Fivarotana fiara «occasion» : hatsangana eny Andohatapenaka ny « Parking » lehibe
Eo amin’ny Kianja Maki Andohotapenaka no hatsagana ilay parking lehibe ho an’ny fivarotana fiara « occasion », antony ny tsy fahampian’ny Parking eto an-drenivohitra sy mba hampizotra kokoa ny fifamoivoizana . Ho an’ny ireo mpivarotra misy fiatraikianany ara-barotra izany manidrana izany hoy ireo mivarotra nanaovana fanadiadiana.
Vondrona Eropeana : miverina ny fifampidinihina momban’ny « Accord de Pêche »
Mitohy ny fifampidinihana amin’ny famerenana ny Accord de Pèche eo amin’ny Vondrona eropeana sy i Madagasikara. Etsy ankilany mitohy ny fiarahamiasan’ny roa tonta . Taonan’ny fanantanterahana an’ireo fifanaovan-tsonia kosa ny taona 2021 raha ny nambaran’ny masoivohon’ ny vondrona Eropeana eto Madagasikara. Nisy io maraina io ny tatitry ny asa vitan’ny Vondrona eropeana teto Madagasikara ny taona 2020.