Archives mensuelles: décembre 2020

Tafiakatra 10 ny zaza maty noho ny kere tao anatin’ny distrikan’Ampanihy tao anatin’ny 2 volana. Atahorana hiakatra ny tarehimarika raha tsy misy ny fandrindrana ny fizarana ny fanampiana indrindra any amin’ireo toerana lavitra sy saro-dalàna. Isan’izany ny any ANKITIKITIKY, VORODRAHA sy ny maro hafa izay anaovan’ny solombavambahoaka antso avo amin’ny BNGRC.

Misedra olana ny sehatry lavanila any amin’ny distrikan’i Maroantsetra. Ankoatry ny vidiny izay tsy misy hafatsy ny iray am-pafolony sisa, potiky ny bibikely ny voly lavanila any an-toerana ary ahiana ho ringana tanteraka. Manao antso avo arak’izany ireo mpamboly mba hisy tomponandraikitra hijery ny vahaolana hiarahan’ny rehetra misitraka.

Nahazo rariny tamin’ny fitsarana hatramin’ny farany ireo mpiasan’ny faritany teo aloha manana tany sy manana taratasy ara-dalàna ny amin’ny maha tompon’ny tany azy ireo eny Votovorona. Niala maina ireo izay olona nibodo ny tany nandritra ny fidinana ifotony nataon’izy ieo androany nanatanteraka ny re-bornage teny an-toerana.