mardi 20 avril 2021
Accueil 2021 février

Archives mensuelles: février 2021

CENI : hifarana ny Alahady izao ny lisi-pifidianana vonjimaika

0
Ny faha-28 ny volana febroary ho avy izao hanatanterahana ny famaranana vonjimaika ny fanavaozana isan-taona ny lisi-pifidianana eto Madagasikara. Halefa eny anivon’ny Fokontany ny lisitra vonjimaika aorian’izay ka 20 andro no ananan’ny olompirenena rehetra hanamarinana ny anarany anaty lisi-pifidianana.

Tarif Optima : ho hampiharina, hoy ny minisitry ny toekarena sy ny fitantanam-bola

0
Ho hampiharina ny fampiakarana ny vidin-jiro araky ny fifanarahan’ny Jirama  tamin’ny banky iraisam-pirenena, araky ny nambaran’ny  minisitry ny toekarena sy ny fitantanam-bola androany, saingy namafisiny fa tsy mbola amin’izao fotoana izao no hanatontosana izany. Ny tsy fanarahana io fifanarahana io, izay antony nandefasan’ny banky iraisam-pirenena taratasy ho an’ny minisitry ity, ary hiankinan’ny fisitrahan’i Madagasikara famatsiam-bola feno avy amin’izy ireo.

Fiantohana : ny CSBF no hisahana ny fanaraha-maso izany eto Madagasikara

0
Tontosa androany ny famindram-pitantanana ny andraikitra mikasika ny fanaraha-maso ny sehatry ny fiantohana eo amin’ny Minisiteran’ny Toekarena sy ny Fitantanambola ho any amin'ny Commission de la Supervision Bancaire et Financière na ny CSBF eo anivon'ny Banky Foiben’i Madagasikara . Tanjona raha ny fanazavana ny hanatsarana ity sehatra ity, eo ihany koa ny hampitomboana ny fiatraikan’ny Assurance amin’ny arikarena faobe.

Madagasikara – Japon : hamafisina ny fiaraha-miasa

0
Hiamafy ny fiara-miasan’i Madagasikara sy Japon, araky ny nivoitra androany nandritra ny fankalazana ny faha-61 taonan’ny  Sa majesté Empereur ny Japon. Nambaran’ny masoivohon’i Japon sy ny minisitry ny raharaham-bahiny ihany koa fa andalana ny dingana famerenana ny fisokafan’ny orinasa Ambatovy. Mikasika ny fanitarana ny seranan-tsambon’i Toamasina, ho jerena ihany koa raha ny fanazavana ny ho fitohizan’ny asa.

« Digitalisation » : manomboka ny fampiharana izany ny eny amin’ny Oniversite

0
Manomboka amin’ny fidirana ny digitalisation ny Oniversitem-panjakana  eto Madagasikara ka ny Oniversite an’ Antananarivo ny nisantatra  izany androany. Natao izany mba hanatambarana iray ao anatin’ny base de donnée ny lisitry ny mpianatra rehetra. Isany tanjona amin’izao ny  hanamorana ny fizarana ny vatsim-pianaranan’ny mpianatra.

Fijerena horonantsary amin’ny « Salles de cinéma » : nihena ny fitiavan’ny Malagasy izany

0
Nihena hatramin’ny 90% oharina ny tany aloha ny fankafizan’ny Malagasy mijery Cinema amin’ireny toerana natokana amin’izany ireny. Isany antony ny fahavitsian’izany sy ny sarany ambony. Maro amin’ny salle de cinema fahiny no efa niova tsy ho izany intsony tato anatin’ny taona maro, tahaky ny Cinema Rex sy Ritz. Ireto farany izay saika ny mpitondra fivavahana no manofa azy ankehitriny.

Fandaharana Miara Manonja : handraisana fepetra, hoy ny prefektiora

0
Handraisana fepetra ny fandaharana Miara Manonja hoy ny prefektioran’Antananarivo androany nandritra ny fivorian’ireo tomponandraikitra misahana ny filaminana. Manohintohina filaminam-bahoaka ity fandaharana ity raha ny fanazavana.

ANKATSO : mitaky ny fandoavana ny karamany 2 volana ny mpiasan’ny CROUA

0
Mitaky ny fandoavana ny karamany 2 volana ny mpiasan’ny CROUA eny anivon’ny oniversiten’Antananarivo. Efa maro ny dingana narahana tamin’izany saingy nijanona ho fampanantenaina fotsiny ihany, hoy ny sendikan’ny mpiasan’ny CROUA. Ny fitakiana izay niafara tamin’ny fampitsahara tamin’ny asa ho an’ireo mpitarika miisa 4.

Paositra Malagasy : nitombo 100% ny tahan’ny mpandefa entana

0
Raha toa ka nisehatra kokoa tamin’ny fizarana taratasy  ny paositra malagasy, amin’izao vanim-potoana izao , misehatra betsaka amin’ny fandefasana entana anatiny na ivelany izany. Tao anatin’ny 3 taona izay, nitombo 100% ny tahan’ny mpandefa entana amin’ny alalan’ny Paositra Malagasy.

Toamasina : nanao diabe sy niakanjo mainty ireo mpianatry ny Oniversite androany

0
Diabe namakivaky ny tanàna ho fanomezam-boninahitra ny naman’izy ireo izay lavo nandritra ny hetsika ny 18 Febroary lasa teo no nasetrin’ireo mpianatra avy eo anivon’ny Barikadimy Toamasina androany, fitafy mainty no nandravaka ireo mpianatra nandritra izany. Ankoatra io, nitaky ny marina mahakasika ilay mpitandro filaminana nitifitra ihany ko izy ireo.