mardi 24 mai 2022

Archives quotidiennes: 26 janvier 2022

Traboina – Atsimondrano : hahazo fanampiana avy amin’ny fitondram-panjakana

0
Hahazo fanampiana avokoa ireo traboina rehetra  ao amin’ny distrikan’Atsimondrano hoy ny Filoham-pirenena nandritra ny fidinany tao amin’ity distrika ity. Hafainganina ihany koa ny fanaovana ny karam-pokontany vaovao amin’ireo kaominina manodidina an’Antananarivo toa ny ao Tanjombato ahafahan’ny vahoaka misitraka fanampiana.  

RAZAFINJATOVO Willy : nodimandry teo amin’ny faha-76 taonany

0
Very olo-manga ny tontolon’ny fiarovana, nodimandry teo amin'ny faha-76 taonany i Maître RAZAFINJATOVO Willy, fantatry ny maro amin'ny hoe Maître Olala. Raha ny angom-baovao, androany tokony ho tamin'ny 3 ora tolakandro no nindaosin'ny fahafatesana raha notsaboina teny amin'ny hopitaly manarapenitra Andohatapenaka ny tenany.

Atsimondrano : olona maherin’ny 1 120 tsy maintsy nafindra toerana nanomboka alina

0
Olona maherin’ny 1 120 no voatery novonjen’ny mpitandro filaminana tany an-tokantranony alina noho ny fiakaran’ny rano tao amin’ny distrikan’Antsimondrano ka isan’ny maro tamin’izany ny tao amin’ny fokontany Ankeniheny.

AMBANIN’AMPAMARINANA : mbola maro ireo mponina nisafidy hijanona

0
Mbola maro ireo mponina nisafidy hijanona amin’ireo faritra atahorana hihotsahan’ny vato sy tany eny Ambanin’Ampamarinana sy ny manodidina, na teo aza ny fanentanana nataon’ny BNGRC sy ny mpitandro filaminana ary ny eo anivon’ny Fokontany. Efa misy anefa ny toerana natokana ho azy ireo raha ny fanazavana ary tokony hiala avokoa hisorohana ny famoizana ain’olona.