Archives mensuelles: mai 2022

Anisany asa mafy mila apiasana herim-batana ny fanam-boarana biriky. Tsy masakana ireo vehivavy renim-pianakaviana nefa izany amin’ny famelomana ny fianakaviana. Dingana maro no arahina vao vita ny fanamboarana ny biriky saingy vitan’ireo renim-pianakaviana izany nohon’ny tsy fisian’ny asa amin’izao fotoana.

Naneho ny fahavononany hanampy sy hizara ny traikefa amin’ny Madagasikara eo amin’ny fampiroboroboana ny sehatry ny haitao ara-kajy mirindra ny federasionina Arabo ho an’ny toek’arena nomerika raha ny nambaran’izy ireo nandritra ny fihaonana tamin’ny filoham-pirenena Malagasy omaly. Ny filoha Andry RAJOELINA izay manatanteraka ny fitsidihina ara-pomba ofisialy any Dubaï, Émirats Arabes Unis ankehitriny miaraka amin’ireo delegasionina Malagasy hanatrika ny fihaonambe iraisam-pirenena arahina fampiratiana ireo haitao ara-kajy mirindra mifandraika amin’ny toekarena nomerika .

Ny Equipage nisy an’i Zézé sy Fred ary i Macray, nitondra ny Renault 16 no nahazo ny laharana voalohany nandritra ny Rallye historique de régularité. Nihainga tany Ampefy ary nihazo an’Antananarivo ireo mpifaninana nandritra ity androany famaranana ny fifaninana ity.

Anomboka amin’ny sabotsy ho avy izao ary hitohy ny ampitso ny rallye historique de régularité. Anisany mampiavana ny fifanianana ny fampiasana ireo fiara modely tao alohan’ny taona 89. Ny fanarahina ireo lalanan’ny fifamoivoizana no anisany ho tsaraina amin’ity andiany voalohany ity izay misokatra ho an’ireo mpankafia fiarakodia rehetra.

Tsy ampy ny fampandraisana anjara ny olom-pirenena hisihan’ny mangaraharaha amin’ny fomba fitantanana ny tetibolam-panjakana, indrindra tanaty ny vanimpotoana nisihan’ny hamehana raha ny nambaran’ny avy eo anivon’ny firaisamonim-pirenena MSIS-Tatao. Anton’izany ny tsy fisihan’ny fampahafantarana mazava ny fampiasana ny tetibola, eo koa ny fikatonan’ny tomponandraikitra amin’ny famolavolana izany.

Mampametra-panontaniana ny fomba fiasan’ireo Solombavambahoaka eny Tsimbazaza hoy ny mpanao politika nanaovana fanadihadiana manolona ny fahavitsian’izy ireo tonga mivory sy manatrika ny asam-baomieza isan-tokony tokony ho atao. Fanaovana tsnotsinona ny vahoaka nifidy azy ireo izany fij=hetsika izany raha ny fanazavana.

Ho an’ny mpino kristianina, marihina androany 26 Mai ny andro niakaran’i Jesosy Kristy velona tany an-danitra na ny “Ascension”. Ho an’ireo fiangonana teto andrenivohitra , nisy ny fotoam-pivavahana. Amin’ny ankapobeny, raha ny fanazavan’ny mpitandrina nanaovana fanadihadiana, fehin-kevitry ny andro fiakarana ny fahatahorana an’Andriamanitra.

5 taona an-tranomaizina sazy mihatra, miampy lamandy 27 Miliara Ariary ireo no sazy azon’i Mbola RAJAONAH raha ny vokam-pitsarana nivoaka teo anivon’ny fitsarana heloka be vava teny amin’ny PAC androany maraina. Sazy mihantona kosa no azon’ireo voarohirohy niaraka taminy raha toa ka nahazo fahafahana madiodio ireo mpiasan’ny fadintseranana.

EPP miisa 9 teo amin’ny faritra Analamanga ny nahazo ny laharana voalohany tamin’ny fifaninana izany natao amin’ny ady amin’ny tsy fanjarin-tsakafo eny amin’izao sekoly. Hitohy ihany koa ny fanofanana ireo tomponandraikitra eny anivon’ny sekoly amin’ny lafony fahadiovana.

Ahiana ny fiakarana eo amin’ny vidin’ny siramamy atsy ho atsy raha toa ka manapa-kevitra ny ametra ny fanodranana siramamay ireo firenena mpamokatra toy ny Inde. Hisy fiatraikany amin’ny lafony ara-ekonomika eto an-toerana ny fanapahan-kevitr’ireo firenena mpamokatra siramamy raha tsy mandray fepetra entitra ny fanjakana amin’ny famerana ireo vidy sy ny famelomana ireo oronasa eto an-toerana raha ny fanazavan’ireo mpahay toekarena.