Archives mensuelles: juin 2022

Mbola miaina ao anaty fahasahiranana ny vahoaka Malagasy noho ny fisotrondry ny vidim-piainana tao anatin’ny enim-bolana voalohany amin’ity taona ity, azo ambara fa niiba araka izany ny fiainam-bahoaka hoy ireo mpandinika politika. Ankoatra ireo, misy ihany koa ny fitantanana tsy mahomby sy tsy mandeha araka ny tokony ho izy teo amin’ny fitantanana ny raharaham-pirenena.

Nilamina tamin’ny akapobean’ny fankalazana ny fetim-pirenena tao amin’ny faritra vakinankaratra. Tonga taty an-toerana nanome voninahitrany lanona ny loholon’i Madagasikara RAKOTONDRAINIBE NDRIANA.

Tontosa androany tetsy amin’ny kianja Barea Mahamasina ny lanonam-pakalazana tamin’ny fomba ofisialy ny faha 62 taona niverenan’ny fahaleovantenan’i Madagasikara sy ny niforonan’ny folo alindahy Malagasy. Nisy nandritra izany ny fanatanterahina ny Matso lehibe izay nahitana mpandray anjara miisa 3 409 avy amin’ny mpitandro ny filaminana sy ny maro hafa. Nampiavaka ny matso tamin’ity taona ity ny fandraisana anjaran’ny avy Polisy monisipalin’Antananarivo sy ny brigade canine avy amin’ny fadintseranana.

Ny Malagasy, ireo mpitondra nifandimby teto amin’ny firenena no tomponandraikitra voalohany amin’ny fahantran’ny firenena hatramin’izao faha-62 taona niverenan’ny fahaleovantenan’i izao, raha ny fanehoan-kevitry ny mpahay tantara akademisiana Ranjatohery Harilala. Raha hiverenana kosa ny tantara, fahaleovantena ara-taratasy ihany amin’ny ankapobeny ny niandoahan’ny fiverenan’ny fahaleovantenan’i Madagasikara ny 26 jona 1960. Nanomboka tTany amin’ny taona 1970 kosa no nanomboka taratry ny Malagasy ho nahaleo tena kokoa ny firenena.

Maro ireo izay nisafidy anohy ny asa fivelomana mandritra ity andron’ny 26 jona ity. isany amin’izany ireo mpivarotra sy ireo fiara fitanteramb-baohaka mandritra ny tontolo andro. Nilamina amin’ny akapobehiny ny teto mahamasina hatrany analakely na nisy aza ny fanapahan-dalana nohon’ny matso lehibe.

Nanomboka tamin’ny 06 ora maraina hatramin’ny 12 ora atoandro ny filaharam-be hiditra tao amin’ny kianjan’ny barea ho an’ireo izay anatrika ny matso androany. Raha ny hita teny an-toerana ny folakadro vao nisava ny filaharana ho an’ireo izay amonjy ny podium ny ariva.

Isan’ireo nampiavaka ny hetsika fankalazana ny faha 62 taona niverenan’ny fahaleovantenan’i Madagasikara tetsy amin’ny kianja Barea Mahamasina androany ny fisihan’ny fizarana fanomezana ho an’ireo mponina tamin’ny alalan’ny Tombola. Fanomezana lehibe indrindra nandritra izany ny trano mora iray eny Imeritsiatosika izay azon’ny tapakila laharana 24 658.

Zava-dehibe ny firaisankina ny rehetra amin’ny fanamarihana ny fankalazana ny niverenan’ny fahaleovantenan’i Madagasikara raha ny fanehoankevitr’ireo tomponandraikitra samy hafa eto amin’ny firenena tonga nanotrona ny matso tetsy amin’ny kianja Barea Mahamasina androany. Isan’izany ireo praminisitra teo aloha, ny avy amin’ny FFKM ary ny Mpandrindra Nasionaly ny antoko HVM.

Natomboka ny alarobia faha 22 jona 2022 lasa teo ny fanokafana tamin’ny fomba ofisialy ny TSENA BE ho fankalazana ny fetim-pirenena tao amin’ny kaominina Ambatomena, Distrikan’Antsirabe faharoa. Tonga tany an-toerana ny filohan’ny antoko Malagasy Miara-Miainga nanotrona sy nanome voninahitra izany lanona izany.

Hahena 15% ny hetra izay alaina amin'ny mpanjijara Solika eto Madagasikara raha toa ka 20% izany teo aloha raha ny fanazavan'ny asam bomiera izay nandinika ny LFR 2022. Ho fitsinjovana amin’ny fiakaran’ny vidin-tsolika izay tsy maintsy hisy atsy ho atsy no anton’ny fampidinana io hetra iorah any fanazavana. Androany teny tsimbazazana no nadinihi’ireo solombavabahoka mikasika ireo hetra ao amin’ny tetibolam-panjakana nasim-panitsiana 2022.