Archives mensuelles: juillet 2022

Tsy nandray karama feno efa ho 02 tao izao ireo mpiasan’ny sofitrans raha ny nambaran’ireo sendikan’ny mpiasa androany. Akoatra ny tsy fandrotsahina ny latsakemboka ara-tsosialy arakin’ny tokony ho izy, maro ireo zo fototrin’ny mpiasa izay tsy voahaja nanomboka tamin’ny taona 2020 raha ny fitarainana nolazain’ireo mpiasa tamin’ny mpanao gazety androany.

Tsy mazava ny didim-panjakana fampiarana ny fampiakarana karama izay nivoaka tamin’ny 21 jolay lasa teo raha ny nambaran’ny filoha ny SSM. Tsy voafaritra mazava ao amin’ity didim-panjakana ity hoy izy ny fampiakara-karama 9,9% ho an’ireo orinasa tsy miankina sy ny fampiakara-karama 25% ho an’ireo mpiasam-panjakana.

Roa taona aty aoriana, Orinasa mpikojakoja sy mpanao lalana miisa 200 no mbola tsy nahazo ny volany. Araka izany niverina nanao hetsika fitakiana teo anoloan’ny Minisiteran’ny Asa vaventy izy ireo androany, ary mangataka ny Filohan’ny Repoblikan’i Madagasikara hanao sonia ny taratasy famoahana ny volan’izy ireo. Ny mahatonga ny antotan-taratasy ho eny amin’ny Fiadidiana ny Repoblika izay mbola mampametra-panontaniana ihany koa raha ny fitarainana voaray.

Miantso ny fitondram-panjakana hanana finiavana ara-politika hanarina sy handray andraikitra ao anatin’ny fotoana fohy ny Sendikan’ny mpiasa eto Madagasikara eo anivon’ny orinasa JIRAMA. Ahiana ny hisian’ny korontana sy ny fipoahana ara-tsosialy hoy izy ireo, izay nanamafy fa tsy ny mpiara-miasa na ny olombelona no fototry ny olana eo anivon’ny orinasa JIRAMA.

Tsy hijanona hatreo fa mbola hiakatra ny zoma ho avy izao ny saran-dalana eny amin’ny toby Fiantsonan’ny Fasan’ny karana raha ny fanazavana. Saran-dalana vonjy maika ihany no nampiharin’ireo kaoperativa misahana zotra nasionaly sy rezionaly nanomboka ny latsinainy lasa teo.

Nitokona, nanao tsena maty ireo mpivarotra etsy amin’ny tsena petite vitesse androany. Anton’izany ny tsy faneken’ireo mpivarotra ny anorenana ny pylone mikasika ny tetikasa téléphérique. Efa nisy ireo teknisianina tonga nadrefy teny amin’ny tsena raha ny fanazavna hatrany.

Nisy fikarana 20% ny saran-dalana ho an’ireo fiara fitateram-bahoka manodidina an-Antananarivo. Amin’ny akapobehiny ireo koperativa mivodrona ao amin’ny UCTS sy ny UCTS.FA no nampiatra io fiakarana saran-dalana manomboka amin’ny 200 Ariary no miotra androany.

Manoloana ny fiakaran’ny vidin-tsolika misy ankehitriny, misedra olana ireo mpitatitra ao Toliara. Miandrandra vahaolana maika avy amin’ny tompon’andraikitra mahefa izy ireo.

Tsy tokony hampitombo ny fahantrana eto amin’ny firenena ny krizy maneran-tany araka nyfanehoan-kevitry ny mpahay toekarena no mpikambana eo anivon’ny Firaisamonim-pirenena RohyPatrick Randriamisata. Miankina amin’ny paikady tanterahin’ny fanjakana hiatrehana ny krizy noahafahana mapandroso ny firenena na mampitotongana izany raha ny fanazavana. Isany vahaolanatokony atao laharampahamehana ny fampitomboana ny famokarana anatiny.

Nahitsy ny fanambarana izay nataon’ireo mpanakanto androany ho an’ny Minisitry ny serasera sy ny Kolontsaina mahakasika ny zava-misy eo anivon’ny OMDA izay mampifanolana ny roa tonta. Nambaran’izy ireo tao anatin’ny fanambara fa tsy mankasitraka sy tsy maniry ny ho eo ambany fiahian’ny Minisitra Lalatiana RAKOTONDRAZADY intsony izy ireo ary nanamafy ny tokony tsy hitikitihana ny OMDA aloha ny Minisiteran’ny Kolontsaina.