Accueil 2020 octobre

Archives mensuelles: octobre 2020

PNDU : naneho ny fahavononany hanohana an’i Madagasikara ireo PTF

0
Notontosaina androany ny fihaonana an-databatra boribory niresahana momba ny PNDU na ny politique de développement urbain, niarahana tamin’ny ministeran’ny fanajariana ny tany sy ny asa vaventy sy ireo mpiara-miombon’antoka PTF na ny Partenaires Techniques Financiers. Zava-dehibe ho an’ny fampandrosoana ny tanàn-dehibe ny fiaraha-manantontosa ity programan’asa ity, ary naneho ny fahavononany amin’izany ireo PTF.

Filankevi-panjakana : hafainganina ny fitsarana ny fifanolanana momba ny fifidianana kaominaly

0
Tafiakatra 475 hatramin’ny androany ny antontan-taratasin’ady fandravana didim-pitsarana mahakasika ny fifidianana kaominaly tonga teny anivon’ny filankevi-panjakana. Efa namoahana didim-pitsarana avokoa ny 69 %. Tsy maintsy ho faranana ny faha-11 novambra arak’izany ny 31 ho fanatsarana ny lisi-pifidianan’ny mpifidy vaventy.

Antenimierampirenena : misy manozongozona ireo birao maharitra

0
Misy manozongozona ny hanala amin’ny toerany ireo mpikambana ao anatin'ny Birao maharitry ny Antenimierampirenena amin'izao fotoana izao. Ankilany, tsy mbola nisy fanangonan-tsonia mahakasika izany raha ny nambaran'ny Filoha lefitra androany. Mbola eo ampandinihana mahakasika ilay resaka fisotroan-dronona ankilany ny bé sy ny maro eo anivon’ity andrim-panjakana ity.

Baccalauréat : hivaly ny faha 14 Novambra ho avy izao

0
Ny faha 14 ny volana Novambra ho avy izao no hivaly ny fanadinam-panjakana Baccalauréat hoy ny minisitra tompon’andraikitra androany. Hisy kosa raha ny fanazavana ny fanaovana tatitra amin’ny fomba ofisialy ny isan’ireo tsy nanatrika fanadinana sy tsy maintsy nijanona noho ny antony maro samihafa ary indrindra ireo nanao hosoka na Fraude nandritra ny fiatrehana ny fanadinana.

Trano fiasan’ny MCC – Analakely : nihotsaka, olona 5 naratra

0
Nihotsaka ny rihana faha-2 tao amin’ny biraon’ny Office National des Arts et de la Culture teny amin’ny arcade Analakely ny antoandro teo. Vokany olona 5 no naratra ary tsy maintsy noravana ny ampahan’ny rindrindra hisorohana ny loza mety hitranga indray. Ialana tsiny amin’izay mety ho tohina amin’ny sary

Fanatsarana ny fifandraisana ara-barotra : hamafisina ny fampahafantarana ny BNT

0
Mbola sakana amin’ny fandraharaha ara-barotra indrindra ny atao amin’ny vondrom-barotra rejionaly ny mahakasika ny BNT na ny BARRIERE NON TARIFIAIRE. Vitsy ankilany ny mpandraharaha mahafantatra ny karazana sakana ara-barotra mianjady azy ka tsy ahafahana mandray ny fepetra mifandraika amin’izany. Hamafisina ny fampahafantarana momba izany araka ny nivoitra nandritra ny atrikasa niarahana tamin’ny minisiteran’ny varotra sy ny indostria.

Fotodrafitrasa famatsian-drano : omena toerana manokana amin’ny fitantana ny tsy miankina

0
Nivaona tamin’ny fanamby napetraka ny fitantanan’ny kaominina sy ny fikambanana isan-tokony ny fotodrafitrasam-pamatsian-drano teny ifotony hatrizay. Tsy tafapetrak’izy ireo araka ny tokony ho izy ny maha-sehatra mampidi-bola na SECTEUR PRODUCTIF ny fitantanana ny rano. Hitodika betsaka amin’ny tsy miankina ny minisitera tomponandraikitra manombok’izao ka hojerena avokoa na ny fampiasam-bola na ny fitantanana ny fotodrafitrasam-pamatsian-drano.

Ankazomanga : fiara tsy mataho-dalana iray kilan’ny afo

0
Fiara tsy mataho-dalana iray no may kilan’ny afo tetsy Ankazomanga androany tokony ho tamin’ny 11 ora maraina. Tsy fantatra mazava ny antony nitrangan’ny afo raha ny nambaran’ireo nanatri-maso. Minitra maro taorian’ny firehetana no tonga teny an-toerana ny mpamonjy voina sainga efa potiky ny afo avokoa na ny anatiny, na ny ivelan’ilay fiara.

Antenimierampirenena : miroso ny asa eo anivon’ny « Commission de mise en accusation »

0
Antontan-taratasy miisa 3 amin’ireo 12 tonga eo ampelatanan’ireo Solombavambahoaka mandrafitra ny kaomisiona misahana ny fiampangana manoloana ny fitsarana avo na ny Commision de mise en accusation no handraisana fankatoavana eo anoloan’ny fivoriana azon’ny be sy ny maro hatrehina ny 17 novambra izao. Tsy maintsy hovitaina ao anatin’ity fotoam-pivoriana ity ireo antontan-taratasy rehetra raha ny nambaran’ny filohan’ny kaomisionina androany.

Père Pedro : 50 taona nanaovana asa soa teto Madagasikara

0
Feno 50 taona ny nanaovan’i père Pedro asa soa teto Madagasikara. Ankehitriny, maherin’ny 25 000 no misitraka ny fanampiana mivantana avy amin’ny Akamasoa ary ankizy manodidina ny 9 000 isa no miditra an-tsekoly. Ny finoana sy ny fitiavana ary ny fiaraha-mientan’ny rehetra no handresena ny fahantrana eto Madagasikara raha ny nambarany.