Archives mensuelles: janvier 2022

Tsy ampy ankehitriny ny fampiharana ireo voka-mpikaroana siantifika natao hanatsarana sy hampaharitra ny tontolo taza-maso eto Madagasikara raha ny nambaran’ireo mpikaroka. Anton’izany ny tsy fisihan’ny fampafantarana ireo antotan-kevitra azo tamin’ny alalan’ny fikarohana natao, eo koa ny tsy fahampihan’ny fifanankalozana traikefa eo amin’ireo mpisehatra isan’ambaratongany. Natomboka tamin’ny fomba ofisialy androany araka izany ny fametrahana ny Laboratoire Mixte International « paysage à Madagascar ».

Tsy hita izay ataon’ny mpanohitra manoloana ny zava-misy eto amin’ny firenena ankehitriny hoy ny filohan’ny Antenimierampirenena androany. Fihetsika izay ahitana taratra fa fanoherana be fahatany no misy eto amin’ny tany sy ny firenena.

Ny orinasa sy ireo teknisianina Sinoa no tompon’antoka tamin’ny fampitohizana, tao anatin’ny fotoana fohy ny lalam-pirenena faharoa, tapaka tao Moramanga. Izy ireo no niasa andro aman’alina ka nahafahavitan’ny Déviation sy ny Pont Beilley, ampiasan’ireo mpampiasa ny RN2 rehetra amin’izao fotoana.

Napetraka ny fandaminana vaovao tsy hahatara ny sakafon’ireo traboina miparitaka amina Site d’Hebergement miisa 91. Tonga ihany koa ankilan’izay ny kitay fanomezana avy amin’ny orinasa Fanalamanga handrahoana ny sakafon’ireo traboina ireo. Fotoana hifanomezan-tanana sy hiraisana hina izao, hoy ireo mpiara-dia amin’ny filoha teo aloha Didier Ratsiraka izay nanalotra fanampiana teny amin’ny BNGRC androany. 

Ankoatra ireo tanimbary sy tanimboly, trano maro no nianjera vokatry ny andro ratsy farany teo tao amin’ny distrikan’Ambohidratrimo. Maro ny takaitra ary ho mafy ny fanarenana hoy ny solombavambahoaka izay miantso ny fandraisan’andraikitry ny  fitondram-panjakana.

Tsy misy fiovana ny fahatsetseman’ny lakan-drano  eto Antananarivo amin’izao raha toa ka tsy miala amin’ny fahazaran-dratsy ny rehetra. Androany raha ny hita,  tsy manary fako ao anaty  daba fanariana fako ny olona fa eny amin’ny lakan-drano. Manao ny fanadiovana hatrany ny tompon’andraikitra saingy ny toerana efa nodiovina ihany no tsy maintsy hiverenana.

Isan’ireo nitondra takaitra vokatry ny fiakaran’ny rano teto Antananarivo ihany koa ny Distrikan’Avaradrano. Maro araka izany ireo traboina ankoatra ireo tanimboly aman’hektara dibo-trano, etsy ankilany tsy mbola nisitraka ny fanampiana avy amin’ny BNGRC sy ny fitondram-panjakana izy ireo.

Faty antoka goavana no nateraky ny fahavakisan’ireo fefiloha tao amin’ny distrikan’Atsimondrano. Ny ankamaron’ny mponina ao amin’ity distrika ity izay mivlona amin’ny famblena sy ny fiompiana ny ankamaroany. Manoloana io, tokony hisy vahaolana maharitra hisorohana ny fahavakisan’ireo fefiloha hoy ireo ben’ny tanàna.

Nisokatra afaka andehanan’ireo fiarabe nanomboka androany ny lalana any  Moramanga. Tafapetraka ny tetezana vonjimaika « pont bailey ». Nidina tany an-toerana nijery izany androany ny Filohan’ny repoblika. Nambarany tamin’izany fa omena vatsy tsinjo sy tosika fameno avokoa ireo izay tsy mpiasam-panjakana any an-toerana.

Miisa 4 ny traboina tratry ny Covid-19 ka manaraka fitsaboina eny amin’ny village voara omaly, araka ny nambaran’ny teo anivon’ny minisiteran’ny fahasalamana. Namafisina ny fandraisana an-tanana ireo traboina marary raha ny fanazavana. Mikasika ny fanaovam-baksiny kosa, nanomboka tamin’ny herinandro ny fanatanterahana ny dose boost manerana ny distrika maro eto amin’ny Nosy.