vendredi 29 mars 2024
Accueil 2022 février

Archives mensuelles: février 2022

IMBIKI Herilaza : tsy nahenoana feo intsony taorian’ny famindram-pahefana

0
Ny maraina teo no tontosa ny famindram-pahefana teo amin’ny Mpitahiry ny Fitombokasem-panjakana, Minisitry ny Fitsarana teo aloha, IMBIKI Herilaza, sy ny Minisitra vonjy maika hisolo toerana azy, tsy nanao fanambarana mahakasika ny raharaha hanenjehana azy ny Minisitra nametrapialana. Efa nametraka ny paik’ady ity ministra napetraka vonjy maika ity amin’ny fitohizan’ny fampandehanan-draharaha eo amin’ny Fitsarana.

Lisi-pifidianana : nifarana androany ny fahafahana misoratra anarana

0
Nifarana androany ny fahafahan’ny olom-pirenena 18 taona no miakatra, misoratra anarana anatin’ny lisi-pifidianana. Mavitrika ny mponina amin’ny ankapobeny ijery ny lisitra sy nanoratra anarana raha ny teny amin’ny fokontany nanaovana fanbadihadiana. Tapitra tamin’ity androany ity ihany koa ny fe-potoana fanitsiana ny lisi-pifidianana izay tanterahin’ny voamieram-pirenena mahaleotena misahana ny fifidianana na ny CENI manerana ny Nosy.

Toamasina : tsabahan’ny olom-boatendry sy olom-boafidy ny asan’ny vaditany sy ny mpisolo vava

0
Miteraka korontana amin’ny fampandehanan-draharaha eo anivon’ny fisatarana sy ny asa ho an’ny vaditany sy ny mpisolo vava ao Toamasina ankehitriny ny fitsabahana andraikitra ataon’ireo tomponandraikim-panjakana. Maro ireo mitaraina manoloana ny tsy fahatanterahan’ireo didim-pitsarana nohon’ny fidirana an-tsehatra ataon’ireo olom-boatendry sy olom-boafidy any an-toeran.

Raharaha mafana : tokony ho hafainganina ny famoahana ny marina

0
Tokony ho hafainganina ny famoahana ny vokatry ny fanadihadiana hahitana ny marina reehtra amin’ireo Dossier mivoaka anaty tambazotran-tserasera, hoy ny eo anivon’ny Transparency International – Initiative Madagascar. Zava-dehibe ny famoahana « Alerte » na fanairana ny mpitondra sy ireo tompon’andraikitra isan-tokony, saingy tokony ho ao anaty fanajana ny lalàna hatrany, hoy izy ireo.

Governemanta : nametram-pialana ny minisitry ny fitsarana Imbiki Herilaza

0
Nametram-pialana tsy ho minisitry ny Fitsarana sy mpitahiry ny fitombokasem-panjakana i Imbiki Herilaza raha ny fanambarana navoky ny eo anivon’ny fiadidina ny repoblika omaly alina. Tsy nisy ny fanazavana ny antony nahatonga izany. Miantso amin’ny hanokafana ny fanadihadiana sy ny hisian’ny magaraharaha mikasika ity raharaha ity ny avy amin’ny firaisamonim-pirenena sy ny antoko HVM raha ny nambaran’izy ireo androany.

Oniversiten’i Barikadimy : mitaky ny fisamborana an’i Fer Rond ny Triangle du Sud

0
Mitaky ny fisamborana an’i Fer Rond, tovolahy voarohirohy tamin’ny fahafatesana tovolahy iray manaraka ny sampam-piofanana Gestion des Ressources Humaines ao amin'ny oniversite Barikadimy Toamasina ny mpianatra mivondrona anatin’ny TRIANGLE DU SUD. Nisy androany ny hetsika nataon’izy ireo izay niafara tamin’ny fanakatonana ny birao sy ny toerampianarana rehetra mandra-pisamborana an'i Fer Rond.

Tetezan’Anosizato : tovolahy iray nitsoraka avy eny ambony

0
Tovolahy iray no fantatra, fa nitsoraka avy eny amin’ny tetezan'Anosizato, ny maraina teo. Nandritra ny fandalovan’ny mpanao gazety teny an-toerana, mbola an-dalam-pikarohana ilay tovolahy fantatra fa namono tena ireo mpamonjy voina. Hatramin’izao mbola tsy hita na maty navelona ity tovolahy ity.

Huissier de Justice : tsy hiatrika fotoam-pitsarana raha tsy voavaha ny olan’izy ireo

0
Mijanona manomboka androany ny fiatrehan’ireo vaditany eny anivon’ny fitsarana mandritra ny fotoam-pitsarana, ny fanatanterahana didy ao anatin’ny fotoana tsy voafetra. Mitaky fifampiresahana amin’ny tompon’andraikitra, mba hoentina hamahana ny olan’izy ireo nandritra ny fanambarana natao androany.

Sommet Union Européenne – Union Africaine : ho tanterahina ny 17 sy 18 Febroary ny andiany faha-6

0
Ho tanterahina any Bruxelles ny faha 17 sy ny faha 18 ny volana Febroary ho avy izao ny andiany faha-6 amin’ny Sommet Union Européenne – Union Africaine. Tanjona ny fanamafisana ny fampiasana vola eto Afrika sy Eropa manoloana ny ady goavana amin’ny fiovan’ny toetrandro sy ny krizy ara-pahasalamana amin’izao fotoana. Eo ihany koa ny fametrahana filaminana.  

Tsy fandriampahalemana : mitohy hatrany ny fanafihana sy ny vely bois rond

0
Mitohy hatrany ny fanafihana sy ny vely bois rond eto Antananarivo renivohitra sy ny manodidina. Maro amin’ireo mpitondra moto nanaovana fanadihadiana no nilaza fa tsy maintsy manova fandaharam-potoana ka mody aloha na mandeha taxibe raha vao manoboma hariva ny andro. Tranga izay mampametra-panontaniana ny maro manoloana ny fomba fiasan’ireo mpitandro filaminana.