Archives mensuelles: mars 2023

Azo adika ho tsy voafehy sy tsy voaharo na ihany koa hiniana avoaka ny feo mirakitra ny resaka nataon’ny filoham-pirenena tamin’ireo minisitra 2 taorian’ny rahaharaha tee-shirt miloko volomboasary tany Sambava, raha ny fanehoan-kevitry ny mpanao politika Rivo RAKOTOVAO. Andrasana hatreto ny hisian’ny fandraisana fepetra sy ny fanokafana ny fanadihadiana hamantarana ny tompon’antoka manoloana izay. Etsy ankilany, ahiana hiteraka voka-dratsy sy hampisy korontana ny tranga toy ireny hoy ny mpandinika politika RANDRIANARIJAONA Rado.

Maro ny fanehoan-kevitra niseho taorian’ilay resaka nataon’ny Filoham-pirenena tamin’ny Minisitra miisa 02 niparitaka tao anaty tambazotran-tserasera. Tranga zay azo itarafana ny fitondrana ny firenena ka ny Filoha no mibaiko sy manome toromarika, ka tsy maintsy miandry izany iero minisitra sy tompon’andraikitra ambony.

Miotra lavitra amin’ny isan’ireo voafonja amin’izao fotoana izao ny isan’ireo agent penitiaire na ireo mpiandry fonja miasa amin’ireo toerana  fandraisana an-tanana ireo voafonja  ao amin’ny faritra vakinankaratra.  Raha ny fanadihadina natao dia  tsy ampy arak’izany ny isan’ireo mpiandry fonja eo ihany koa ny tsy fahalavorarian’ny  foto drafitrasa  andraisan’ireo voafonja raha nambaran’ny Talen’ny fitaliavam-paritra ny fandrarahana ny fonja any an-toerana.

Tsy hisy ala intsony eto Madagasikara afaka 30 taona noho ny fahaverezana be loatra nanomboka ny taona 2009 hoy ny Alliance Voary Gasy androany. Ankoatra ny filàn’ny olona, manampy trotraka ny fanondranana isan-karazany ny ala eto amitsika. Ny fambolen-kazo izay natao hanarenena ireny, lasa fisehosehoana fotsiny ihany ankehitriny ary tsy ampy na tsy misy mihitsy aza fanaraha-maso ny zanakazo novolena.

Fifandonana camion mpitondra omby sy mpitatitra entana tao amin'ny tananan'i Soakambana  Marozevokely  omaly maraina no niteraka fotoanan'ny lalam-pitenena faharoa nandritry  ny 24 ora. Efa hatramin'ny omaly mihitsoka ireo fiara mifamezivezy eny amin’ny lalam-pirenenea faha-02 noho ity lozam-pifamoivoizana ity.

Tsy mihemotra amin’ny fanapahan-keviny ny minisiteran’ny varotra sy ny indostria manoloana ny olan’ny seha-pihariana lavanila. Tazomina ny fameram-bidy raha ny fanazavana, tsy ho foanana ihany koa ny CNV fa ireo no vahaolana hitan’ny fanjakana. Fepetra izay iarahan’ny rehetra nahita fa tsy nahomby saingy izao hikirizan’ny fanjakana izao.

Tsy manaiky ny fandikan-dalàna sy ny herisetra nataona mpitandro ny filaminina iray tamina  mpisolovava am-perin’asa tany Taolagnaro ny holafitry ny mpisolovava raha ny fanambarana nataon’izy ireo androany. Samy nitory io mpitandro ny filaminana io avokoa noho izany, na ilay mpisolovava niharan’ny herisetra, na ny holafitry ny mpisolovava.

Tsy avy eny anivon’ny Fokontany ny mahatonga ny fiverenan-droa ny anarana ao anaty lisitry ny mpifidy na ny doublon hoy ny sefo fokontany nanaovana fanadihadiana androany. Manaporofo izany ny dingana maro arahin’izy ireo mialohan’ny hampidirana ny anaran’ireo mpifidy anaty lisitra. Mampikorontana ireo mpisoratra anarana ankilany ny fanentanana samihafa mivaona hataon’ireo mpanao politika sasany izay isan’ny antony mampalaina ny olona hanoratra anarana ihany koa raha ny fanazavana.

Isan’ireo firenena manana taha ambany eo amin’ny fanaovam-baksiny i Madagasikara raha eto amin’ny Kaontinanta Afrikana. Manoloana izany, paikady entin’ny OMS ny fiaraha-miasa amin’ireo raiamandreny ara-drazana hampitomboana ny tahan’ny fanaovam-baksiny eto amintsika na hiadiana amin’ny COVID-19 izany na iroe aretina hafa.

Namoaka fanambarana miaraka mikasika ny dinika fifanakalozan-kevitra manodidina ny zotram-pifidianana nokarakarain’ny CENI ny Vondrona iraisam-pirenena, ahitana ny Nations Unies eto Madagasikara, Ny Vondrona Eropeana sy ny Vondrona Afrikana, ny PNUD sy ny OIF. Zava-dehibe ny fanohizana ny fifanakalozan-kevitra mba hisian’ny fifampitokisana sy hametrahana filaminana hoy izy ireo.