Archives quotidiennes: 18 avril 2023
Fitsinjaram-pahefana : ahafahana manome asa, miteraka fampandrosoana
Tsy misy antoka omen’ny fanjakana ho an’ireo te hampiasa vola eto Madagasikara, antony tsy hisian’ny famoronan’asa eto amintsika hoy ny Filohan’ny Antoko Malagasy Miara-Miainga nandritra ny fihaonan tamin’ireo mponina tao Maintirano. Ireo orinasa efa mijoro, hanaovana antsojay amin’ny endriny maro samihafa. Vokany, ambony ny tahan’ny tsy fananan’asa, izay mahatonga ny tsy fandriam-pahalemana.
Lalana mihazo an’i Maintirano : mampikaikaika ireo mpampiasa lalana
Mitombo avo roa heny ny fotoana lany eny ambony taxibrousse vokatry ny faharatsian’ny lalana mihazo an’i Maintirano amin’izao fotoam-pahavaratra izao. Misy any an-toerana ny fitaovam-panjakana ahafahana manamboatra izany saingy tsy ampiasaina amin’ny tokony ho izy ka simba am-pitoerana. Manao antso manoloana izany ireo mpampiasa lalana noho ity distrika ity adinon’ny fanjakana.
Antoko Malagasy Miara-Miainga : tsy ny fanjakana foibe no mahita ny olana eny ifotony
Notanterahana androany tany Maintirano, renivohitry ny faritra Melaky ny fivoriana narahina ady hevitra niarahana tamin’ny filoha naionalin’ny Antoko Malagasy Miara-Miainga, Hajo Andrianainarivelo, ny biraon’ny MMM eny ifotony ary ireo olom-pirenena liana amin’ny fitsinjaram-pahefana, entina mampandroso ny firenena. Fotoana izay nampitandreman’ny filohan’ity antoko ity ireo olom-boatendry manao fanaparam-pahefana.
Kaominina Andakana : efa miriharia sahady ilay jiolahy nahafaty raim-pianakaviana iray
Efa miriharia ao amin’ny kaominina Andakana anatin’ny distrikan’i Vondrozo sahady ankehitriny ilay jiolahy izay namono nahafaty raim-pianakaviana iray NY VOLANA Martsa lasa teo. Mampametra-panontaniana ny zava-misy hoy ny mponina sy ny ben’ny tanàna ao an-toerana. Miaina ao anatin’ny tebiteby ny mponina ary matahotra ny mety hisian’ny valifaty.
Volavolan-dalàna hifehezana ny harena an-kibon’ny tany : mampitaraina ny mpandraharaha ny fanaovana ny fandoavam-bola ho « CREDOC »
Na teo aza ny fakan-kevitra natao tamin’ny famolavolana ny volavolan-dalàna hifehezana ny harena an-kibon’ny tany, maro ny teboka tsy ankasitrahan’ny mpandraharaha ao anatin’izay. Isany nanaitra ny fandoavana ny vola rehetra amin’ny fifampivarotana ny vokatra harena an-kibon’ny tany ho CREDOC avokoa raha REMISE LIBRE izany teo aloha. Ny CREDOC izay fomba fandoavam-bola hanasoratra ny fifampivarotana ka hivadika olana toy ny Droit de sortie indray hoy ny teo anivon’ny FOMM na ny Féderation des Opérateurs Minier Malagasy.
Fitondrana : ny tsy mety tany aloha ihany no averina
Tsy manana politika mazava hitantanana ny firenena ny fitondrana ankehitriny, saika ireo fomba fanao tsy nety tany aloha no averiny amin’izao fotoana. Tsy misy ihany koa ny « continuité de l’Etat » hoy ny filoha lefitry misahana ny raharaha ara-barotra eo anivon’ny GEM.
Lisi-pifidianana : nihena 20% ny mpifidy tao amin’ny Fokontany Antanimena
Ireo fahadisoana amin’ny anaran’ny mpifidy no misy ao amin’ny lisitra vonjy maika ho an’ireo olom-pirenena manamarina anarana eny amin’ny Fokontany raha ny fanadihadiana natao androany. Ao amin’ny Fokontany Antanimena, nahitana fihenana 20% ny mpifidy voasoratra anarana oharina tamin’ny lisi-pifidianana ny taona 2022 hoy ny sefo fokontany.