Nahitana fiakarany ny vidin’ny ovy ao amin’ny faritra Vakinankaratra raha ny fanadihadiana natao tamin’ireo tantsaha mpamokatra any an-toerana. Ratsy ihany koa ny kalitaon’ny vokatra tamin’ity taona ity raha mitaha tamin’ny taon-dasa. Anton’izany ny fahalafosan’ny zezi-bazaha izay tsy maintsy ampiasain’ izy ireo eo amin’ny fambolena. Eo ihany koa ny faharatsian’ny lalana izay miteraka fatiantoka eo amin’ny fitaterana ny vokatra.