Archives annuelles: 2020

Miandradra vahaolana ireo sehatra tsy miankina manoloana ny fatiantoka aterak’ilay valan’aretina coronavirus izay miteraka fatiantoka 100% amin’ireo sehatra maro. Ny alakamisy ho avy izay ny fihaonana manaraka eo amin’ny filohanan’ny repoblika sy ireo sehatra tsy miankina, ka ny plan d’urgence multisectoriel no tena hivoitra mandritra izany.

Taorian’ny fampilazana natao, niroso tamin’ny fandravana ireo trano fivarotana tsy ara-dalàna ny eo anivon’ny Kaominina Antananarivo renivohitra. Trano tsy ara-dalàna miisa 10 teny Analakely sy Soarano no narodana androany. Famerenana ny ara-dalàna sy ny hasin’ny tanàna hatrany no tanjona.  

Olona manana fahasebanana miisa 12 teo anivon’ny CNFPPSH ka efa nahatafatsangana ny orinasany ho an’ny tenany manokana no notoloran’i OIT fanampiana eo amin’ny lafiny fitaovana tamin’ity androany ity manoloana ny olana iainan’ny mpiasa ao anatin’izao fisian’ny valan’aretina Coronavirus izao. 

Taorian’ny fangatahana natao, tonga ao Nosy Be ny fiara vaventy sy Benne hanampiana amin’ny fanadiovana ny tanàna. Ny fahadiovan’ny tanàna izay endriky ny fampandrosoana sy antoky ny fahasalamana indrindra amin’izao ady atrehina amin’ny fiparitahan’ny COVID 19 izao.

Taorian’ny Nathalie, izay tranga manokana ary isan’ireo reny miady mafy amin’ny fiainana. Pejy hafa indray no harahintsika izay tafiditra ao anatin’ny fetin’ny reny hatrany. Ny ambiansy tao amina tokantrano iray nandritra ny fankalazana ny fetin’ny reny androany, ny fijoroana vavolombelona nataona renim-pianakaviana iray.

Taorian’ny atrik’asa nasionaly hanaovana jery todika ny asa vita sy izay mbola hatrehina, nanamafy ny eo anivon’ny FIDA na ny Fonds International du Développement Agricole eto Madagasikara fa mbola maro ny ezaka tsy maintsy hatao. Isan’izany ny fijerena manokana ireo tena marefo, ny fahafahan’ireo tantsaha misitraka famatsiam-bola ary indrindra ny fanamafisana ny fahaiza-manao hampaharitra ny asa natao.

Amin’izao fetin’ny Reny izao, maro ireo renim-pianakaviana misedra ny mafy, manao izay ho afany hahafahany mikarakara ny ankohonany. Misy anefa ireo tsy afa manoatra, toa an’i RAZAIHARIMANANA Nathalie, renim-pianakaviana, malemy ary tsy mahetsika eo ambony fandriana efa ho herintaona izao. Ny momba azy no hotanterina anatin’ity fanadihadiana ity.

Nitohy hatrany ny ady atao amin’ny kolikoly nandritrany fihibohana ho an’ny teo anivon’ny BIANCO. Anto-taratasy maro no voaran’izy ireo nandritra izany, ary hiverina ny fanohizana ny fanadihadihana ho an’ireo raharaha teo aloa raha ny nambaran’ny tomponandraikitra.

Mahomby ny fomba fiasa napetraky ny fitondram-panjakana manoloana ny ady amin’ny coronavirus hoy ny minisitry ny fahasalamam-bahoaka androany nanoloana ireo Solombavambahoaka. Hamafisina ny ady na amin’ny Coronavirus na amin’ireo aretina hafa amoizana aina eto Madagasikara raha ny fanazavana.

Taorian’ny resabe nandeha tao amin’ny tambazotran-tserasera mikasika ny fampiasana ny volam-panjakana amin’ny tsy tokony ho izy , araky ny didim-panjakana laharana faha 2020-597 , taorian’ny filankevitry ny minisitra notontosaina androany, nesorina tsy ho minisitry ny fanabeazam-pirenena, ny fampiofanana ara –teknika sy arak’asa I Rtoa Rijasoa Andriamanana Josoa. Misolo toerana azy vonjimaika eo am-piandrasana ny fanendrena vaovao ny minisitry ny fampianarana ambony sy ny fikarohana ara –tsiansa ASSOUMACOU Elia Béatrice.