Archives mensuelles: juin 2020

Nanolotra fanampiana ho an’ireo traboina vokatry hai-trano teny Andohatapenaka I ny Antoko Malagasy Miara-Miainga androany. Tsy nadinoin’izy ireo ihany koa ny zokiolina sy renim-pianakaviana manani-teny teny anivon’ny Boriboritany voalohany.

Nanolotra fanampiana ho an’ireo mpikambana eo anivon’ny Antoko Malagasy miara-miainga tao amin’ny distrikan’Atsimondrano androany ity antoko politika ity. Ankoatra ireo mpikambana, tsy diso anjara ihany koa ireo zokiolona. Hetsika iay tafiditra indrindra ao anatin’ny fanamarihana ny faha-60 niverenan’ny fahaleovantenan’i Madagasikara.

Nankatoavin’ireo Loholon’i Madagasikara hanohy ny asa iandreketany ireo mpikambana ao anatin’ny Commission Spéciale  chargée d’une demande de levée d’Immunité Parlementaire eo anivon’ny Antenimierandoholona. Ny asa iandreketan’ity kaomisionina ity izay manan-danja eo anivon’ny fanatanterahana ny asan’ireo Loholona.

Mangataka ny fametra-pialan’ny Filohan’ny FTAR ny mpikambana anatin’io Fikambanan’ny Taxi eto Antananarivo Renivohitra io araka ny fanambarana androany. Tsy mifanaraka amin’ny fitsipika anatin’ny fikambanana ny fanapahakevitra noraisin’ny filohan’ny FTAR hatrizay. Manakana ny fanatsarana ny tontolon’ny Taxi haroson’ny kaominina ihany koa ny filohan’ny FTAR. Hamory ny mpikambana ny  filohan’ny FTAR ary handray fanapahakevitra amin’izay namoaka fanambarana raha ny fanazavana azo.

Pejin’ny fanatanjahan-tena. SAMI ANDRIA RIDER VELO TRIAL ao Antsirabe, isan’ireo sahy miakatra eny ambon’ny toerana Avo indrindra eto Madagasikara amin’ny alalan’ny Velo TRIAL. In-dimy nandrombaka ny tompondakan’I Madagasikara.  Izy indray no ho entin’I mpanao gazetin’ny KOLO ao Antsirabe aminao ato anatin’ity fanadihadiana manaraka ity. 

Nanolotra fanomezana ho an’ireo mponina etsy “la réunion kely” androany ny fikambanana tsy miankina iray eto an-drenivohitra. Natao izany ho fanampiana ireo mponina eny an-toerana amin’izao fanamarihana ny fankalazana ny faha 60 taona niverenan’ny fahaleovantena izao. 

Isan’ny vahaolana amin’ny fahafahana mametra ny fiparitahan’ny valan’aretina Coronavirus any anaty fonja eto Madagasikara ny fanenana ny isan’ireo voafonja. Ilaina araka izany ny famotsorana ireo olona tsy mbola voatsara any anaty fonja raha ny nambaran’ny mpiaro ny zon’olombelona.

Nampahafantarina tamin’ny fomba ofisialy androany ny endriky ny fiara GASYCAR, izay hovokarin’ny firenena malagasy. Tsy latsa-danja amin’ny fiarakodia vokarin ‘ireo firenen-dehibe any ivelany ny GASYCAR hoy ny filohan’ny repoblika. Ankoatran’ny fiarakodia, misy ihany koa ny MOTO marque GASYCAR, izay naseo tamin’ny fomba ofisialy androany ary ho tazana mandritra ny fanamarihana ny fetim-pirenena.

Lany teny anivon’ny Antenimierampirenena androany ny volavolan-dalàna laharana 009/2020 mifehy ny tetibolam-panjakana nasiam-panitsiana 2020. Resy lahatra tamin’ny votoatin’ny LFR 2020 ny ankamaroan’ny solombavambahoaka ka 94 no nandany azy taorian’ny fanazavana nentin’ny minisitry ny toekarena sy ny fitantanam-bola.

Hentitra ny rindran-damina eny Analakely sy ny manodidina mialoha sy mandrindra ny fankalazana ny fetim-pirenena. Eo amin’ny fitandrona ny filaminana, misy ny fepetra manokana hapetraka eny an-toerana, ary maherin’ny 4 000 no hiparitaka manerana ny Nosy tanterahan’ny EMONAT.