Archives annuelles: 2020

Zava-dehibe ho an’ny tantaram-pirenena ny fiverenan’ny vakoka tahaka izao hoy ny fanehoan-kevitry ny olompirenena nandritra ny fitsenana sy ny fametrahana ny Satro-boninahitry ny Tatarom-piandrianan’ny mpanjakavavy RANAVALONA Faha-3 androany. Mamerina ny ambom-pom-pirenena izany raha ny fanazavana.

Eny Imeritsiatosika no hananganana ilay tetikasan'ny filohan'ny Repoblika « Nouvelle ville Tanamasoandro » na tanàna vaovao raha ny nambaran'ny minisitra lefitra misahana ny tanana vaovao sy ny toeram-ponenana. Mora kokoa ny dingana fanantanterahana izany any an - toerana araka ny fanazavana raha mitaha amin'ny fikasana anangana izany teny Ambohitrimanjaka.

Manodidina ny 4 165 Lavitrisa Ariary ny vola andrasana amin’ny fampidiran-ketra ny taona ho avy araka ny voafaritra anatin’ny lalàna hifehy ny tetibolam-panjakana ho an’ny taona 2021. Lafin-javatra maro no ilaina fanarenana hanatrarana ny fanamby, hoy ny minisitry ny toekarena sy ny fitantanam-bola. Tafiditra anatin’izay ny fametrahana ny tetikasa ANJARA HETRAKO, izay natomboka tamin’ny fomba ofisialy teny Ambohidratrimo.

Tsy mbola naverin’ny tomponandraikitry ny sekoly ambaratonga fototra etsy Mandroseza ny volan’ireo ray aman-drenin’ny mpianatra izay notakiana tamin’izy ireo hampidirana mpianatra vaovao. Iharan’ny fandrahonana ankilany izzy ireo raha toa ka mitaky izany raha ny fanazavana.

Anatin’ny herintaona no vinavinaina ho tafapetraka eto Madagasikara ny e-Ariary, na ny monnaie digitale de banque centrale. Efa mande ny dingana amin’ny famolavolana azy raha ny fanazavana. Teboka maro no tsy maintsy hamafisina mialohan’ny hampiharana izany eto amintsika.

Nirongatra tato ho ato ny herisetra atao amin’ny zaza tsy ampy taona eto amintsika. Ho an’ny Centre Vonjy Befelatanana, niakatra hatrany amin’ny 92 ny isan’ireo tranga noraisina an-tanana ny volana septambra sy oktobra lasa teo. Mandray an-tanana mivantana ho fanampianana ireo izay niharan’izany ny ivon-toerana « Centre Vonjy » Befelatanana.

Nivoaka ny tatitra vonjimaika fahatelo ny famatsiam-bolan’I Madagasikara entina miady amin’ny fipariahan’ny valanaretina Covid-19. Amin’ny ankapobeny, avy amin’ny FMI ny ampahany betsaka amin’izany raha ny tatitra navoakan’ny minisiteran’ny toekarena sy ny vola omaly.

Nanomboka androany ny atrikasa hampihenana ny fiantraikan’ny loza voajanahary eto Antananarivo renivohitra izay iarahan’ny Croix Rouge Malagasy, ny BNGRC, ary ny fiadidian’ny tanànan’Antananarivo. Olona maherin’ny 25 000 no hisitraka tombotsoa amin’ny asa hotanterahana hoy ny tomponandraikitry ny tetikasa.

Manomboka mivaha ny olan’ny rano fisotro madio eny Itaosy Ambanilalana amin’izao fotoana. Antony, efa nisoro tamin’ny fanoloana ireo fantson-drano efa antitra ny eo anivon’ny JIRAMA ary nanolo ireo fitaovana famandrihana.  Hapetraka eto Antananarivo renivohitra ihany koa ny tetikasa hahazoana herinaratra hatrany amin’ny 11 Megawatt amin’ny alalan’ny angovo azo havaozina.

Ny zoma izao no hotokanana amin’ny fomba ofisialy ny Lapan’i Manjakamiadana sy lapan’ i Besakana taorian’ny fanavaozana sy ny fanatsarana izay natao. Ankoatra io, haverin’ny la Frantsa ho an’i Madagasikara ihany koa ny satroboninahitry ny mpanjakana RANAVALONA Fahatelo ary ho tonga eto Madagasikara izany ny Alakamisy ho avy izao.