Archives annuelles: 2020

Tsy azo tanterahina eto Madagasikara ny fanalan-jaza na inona na inona antony. Voararan’ny lalàna ary mampigadra ny fanaovana izany. Tafiditra ao anatin’ny fanamarihana ny herinandron’ny fetin’ny vehivavy, mitaky ny hisian’ny lalàna momban’ny fahafahana manala zaza raha toa ka tojo fahasarotana ara-pahasalamana ny vehivavy mitondra vohoka ny holafitry ny mpitsabo eto Madagasikara.

Mitaky ny hanaovana fanadihadiana mahakasika ny toe-java-misy ankehitriny manoloana ny fisian’ny kara-panondrom-pirenena mitovy laharana taorian’ny fanambarana nataonn’y CENI ny antoko HVM.

Nanao fanambarana fa hitaky am-pilaminana ny fitakiana ny zon’ny mpampianatra sy ny mpandraharaha amin’ny fandoavana ny tambin-karama 50.000 Ar ireo mpampianatra ny tolakandro teo. Namaly io fanambarana io avy hatrany ankilany ny minisitra tomponandraikitra ary nilaza fa efa novahana ny olana araky ny tapaka nandritra ny fihaonana tamin’ny praiminisitra.

Teboka iray tsy mampandroso vetivety ny sehatry ny famokarana eto Madagasikara ny tsy fahampian’ny fampiofanana ireo mpamokatra. Antony iray ihany koa tsy ahafenoan’I Madagasikara ny fepetra rehetra takian’ny tsena iraisam-pirenena. Misy fiantraikany goavana amin’ny toekaren’ny firenena ny faharatsian’ny kalitaon’ny vokatra.

Tsy mbola hita taratra ny fijoroan’ireo mpikambana eo anivon’ny governemanta sy ireo mpiara-miasa akaiky aminy hiaro ny tetik’asan’ny Filoha Andry RAJOELINA. Io no fanehoan-kevitry ny mpampianatra mandalina manokana momba ny lalàna, Dr RAZARANAINA Nome taorian’ny resa-be momba ny zava-bitan’ny Fitondram-panjakana nandritra izay Herintaona izay.

Tohin’ny fanaovana Saisie teny Ivato ny faran’ny herinandro, nakatona tsy afaka miasa intsony ny A&C hotel nanomboka ny maraina teo. Mitaraina vokatr’izany ireo mpiasa manodidina ny 200 eny an-toerana ary mangataka ny mpitondra fanjakana hijery akaiky ny fiainana sy ny ho avin’izy ireo.

Tsy mijanona eo amin’ny lafiny finoana ihany ny FFKM fa nandray anjara amin’ny fanamby lehibe izay apetraky ny filohampirenena ny amin’ny handrakofana ala an’i Madagasikara. Teny Imerintsiatosika no nanatanterahan’izy ireo ny fambolen-kazo ny andron’ny omaly asabotsy.

Tsy hisy intsony ny fandraisana mpampianatra vaovao raha tsy tafiditra mpiasam-panjakana ireo mpampianatra Fram rehetra. Eo am-pamaranana ireo antotan-taratasy amin’ny vola 50.000 Ariary amin’izao fotoana izao. Ireo no nambaran’ny minisitry ny fanabeazam-pirenena nandritra ny fitsidihana notanterahana tany Ambato Boeny.

Isan’ny vaindohan-draharaha ho an’ny fitondram-panjakana ny ady amin’ny kolikoly. Misy ny fomba fiasa vaovao eo anivon’ny ministeran’ny fitsarana manome fahafahana ny olona hitaraina mivantana amin’ny sekretera jeneraly.

Miakatra ny rano ao amin’ny Fokontany AMPATRIMAHA kaominina Alakamisy anativato. Distrikan’Antsirabe faharoa ao amin’ny faritr’i Vakinankaratra. Noho ny fahatsetsenan’ny laka-drano izay mampifandray kaominina maro any toerana ka niteraka fiakaran’ny rano, ny fahapotehan’ny lalana ary fahasimban’ny fambolena any an-toerana.