Archives quotidiennes: 27 juin 2019

26 Jona 1960 -26 Jona 2019. 59 taona nahazoan’i Madagasikara ny fahaleovantenany. Niavaka ny fanamarihana izany tamin’ity taona ity. Niavaka ny fitaovana nentina naneho fa miady amin’ny tsy fandriampahalemana ny foloalindahy malagasy .

Niavaka ny fankalazana ny faha 59 taona niverenan'ny fahaleovan-tena ho an'ny faritra ivelan'Antananarivo renivohitra androany. Matso, fety sy fiaraha-mifaly ao anatin'ny filaminana tanteraka no hita.

Tamin’ny 11 ora sy 25 minitra no tonga tetsy IVATO ny filohan’ny Repoblikan’i Rwanda Paul KAGAME. Ny filohan’ny Repoblika mivady niaraka tamin’ireo mpikambana anivon’ny governermanta notarihin’ny Praiminisitra NTSAY Chrisitian no nitsena azy teny an-toerana.

Tsy tahaky ny isan- taona, nomena ny minisiteran'ny fiarovam- pirenena ny fanaovana ny kabary ofisialy ho an'ny vahoaka malagasy izay fanaon'ny filohampirenena amin'ny maha fetin'ny foloalindahy ny fetin'ny fiverenan'ny fahaleovantena Malagasy. Nambaran'ny minisitry ny fiarovam- pirenena tao anatin' izany fa mila ny fanomezan- tanana avy amin'ny tsirairay izy ireo ho fanatanterahana ny fanamby.

Afa-po ireo nanatrika ny matso teny Mahamasina tamin'ity androany ity, nandritra ny fankalazana ny faha-59 taona niverenan'ny fahaleovantena. Nankasitraka ny fepetra noraisin'ny mpitondra manoloana ny fampitaovana ny eo anivon'ny fitandroana ny filaminana ihany koa izy ireo.