Archives mensuelles: avril 2020

Notanterahana androany ny fandrarahana ranom-panafody tamin’ireo taxibe eto Antananarivo hiverina hiasa rahampitso. Hentitra ny fanaraha-maso hoy ny eo anivon’ny ATT hisorohana ny fipariahan’ny valan’aretina coronavirus, maro ankilan’izay ny fangatahan’ireo mpitatitra.

Ankizy kely 3 vola no ahiahiana ho mitondra ny tsimokar’aretina Coronavirus etsy amin’ny Hopitaly Ambohimiandra, toerana natokana ho an’ireo zaza ahitana na ihany koa ireo ahiahiana ho mitondra ny valan’aretina Coronavirus. Nanadihady teny an-toerana ny mpanao gazetin’ny Kolo Tv/Fm androany nijery ny zava-misy.

Niteraka fatiantoka sy olana teo amin’ny lafiny toekarena, sosialy, fampianarana ny 30 andro nanaovana ny fihibohana amin’ny ampahany ho an’ny faritra voakasiky ny Covid-19 eto Madagasikara. Tao anatin’izay fe-potoana izay, fepetra maro no noraisin’ny fitondram-panjakana hiatrehana ny valan’aretina. Nahatratra hatramin’ny 444,10 Tapitrisa Dolara kosa ny famatsim-bola nositrahana, izay ny ampahany betsaka amin’io, entina hiadiana amin’ny Coronavirus.

Navoaka tamin'ny fomba ofisialy androany tetsy amin'ny foiben'ny IMRA na ny Institut Malgache de Recherche Appliquer etsy Avarabohitra Itaosy ilay fanafody « Covid Organics » entina hitsaboana ny valan'aretina Coronavirus eto Madagasikara. Nanatrika izany tany an-toerana ny filohampirenena Rajoelina Andry, notronin'ireo olo manan-kaja maro. Hozaraina mamaim-poana ho an'ny vahoaka Malagasy ity fanafody ity ho entina hiarovana ny vahoaka Malagasy.

Efa miomana amin’ny fampanajana ny fepetra ara-pahasalamana napetraky ny fitondram-panjakana amin’ny famerenana ny fampianarana ho an’ny kilasim-panadinana ny sekoly eto andrenivohitra nanomboka androany. Raha milamina ny fanarahana ny fepetra amin’ny ankapobeny, isany nahazoana tsikera avy amin’ny talen-tsekoly ny fampisotroana ny COVID ORGANICS. Ity farany izay tsy maintsy ilaina ny fahazoan-dalana avy amin’ny raiamandreny.

Raha ny alarobia ho avy izao no tokony hiverina hiasa ny fiara fitateram-bahoaka sy ny fiara karetsaka, efa maro no nitatitr’olona androany indrindra ny Taxi. Mbola vitsy ny mpandeha raha ny fanazavana ary saika ireo mpanjifa efa mahazatra azy ireo no betsaka.

Tsy mitsaha-mitombo ny isan’ny olona voakasikt ny haitany any amin’ny faritra Atsimon’I Madagasikara. Raha ny tatitra navokan’ny African Risk Capacity,nahitana fiakarany 100000 izany raha ampitahaina ny  tamin’ny volana Febroary teo. Niakatra nanaraka izany ihany koa ny vola ilaina entina misoroka izany. 

Velon-taraina manoloana ny tsy fahatomombanan’ny fizarana ny VATSY TSINJO avy amin’ny fitondram-panjakana ny mponina etsy amin’ny fokontany Manjakamiadana. Nogiazin’ny lehiben’ny fokontany sy ny vaomiera isan-tokony ny fanampiana tokony hotsinjaraina amin’ireo mponina marefo ara-pivelomana.

Tsy iakatra ny saran-dalana mampitohy an’Ankifigny  amin’I Nosy Be, Nosy Komba, Faly , Tsarabanjina ary Iranja na eo aza ny fisian’ny valanaretina Coronavirus. Izay no tapaka nandritry ny fivorian’ireo solontenan’ny mpitatitra any an –toerana. 

Taorian’ny fihibohona 15 andro tetsy amin’ny fonjan’Antanimora, gadra vao nahiditra am-ponja 114 no nataon’ny Brigade d’Intervention spécial fitiliana ny tsimon’aretina COVID-19 ny zoma lasa teo. Tanjon’ny fitiliana ny hisorohana ny mety hiparitahan’ny valan’aretina eny anivon’ny toeram-pamonjana.