Archives mensuelles: août 2020

Nitondra fanazavana mikasika ny fanampiana sosialim-bahoaka androany ny governoran’I faritra Analamanga. Araka izany, tsy misy intsony ny fizarana ny sosialim-bahoaka 30 000 Ariary ary nosoloina vatsy tsinjo izany ho fanampiana ny isan-tokatrano amin’ny fihatrehana ny fihibohana. 

Mizotra hatrany ireo asa fanamboarana sy fanajariana ao anatin’ny lamin’asa PADEVE amin’ireo tanàn-dehibe telo misitraka izany. Ho an’ny tanànan’Antsiranana, 64% ny asa rehetra amin’ny ankapobeny no vita, Toliara, 72% ny asa rehetra no efa tanteraka, manakaiky izay ihany koa ny tahan’ny asa efa vita ao Fianarantsoa. 

Asa iray ahazoana hatramin’ny 30 000 Ariary isan’andro ny fanavahana fako araka ny resaka nifanaovan’ny mpanao gazety tamin’i RAZANATSIMA Louisette, izay nanao ity asa ity nandritra ny 20 taona. Misy fiantraikany amin’ity seha-pihariany ity ny fisian’ny valan’aretina Coronavirus raha ny nambarany.

Tokantrano miisa 40.000 no nisitraka sosialim-bahoaka teny amin’ny boriborintany fahadimy, teto Antananarivo. Androany, nirotsaka an-tsehatra nizara izany  ny Filoha Andry Rajoelina mivady teny amin’ny Colesium Antsonjombe. Nohamafisiny nandritra izay fa tsy maintsy misitraka sosialim-bahoaka avokoa ireo fianakaviana marefo rehetra.

Tafiakatra hatramin’ny 54 000 euros ny vidin’ny kilaon’ny volamena eo amin’ny sehatra iraisam-pirenena. Antony ny fisian’ny valanaretina Covid 19 sy ny ady misy eo amin’ny amerikana sy ny sinoa. Etsy ankilany, olana iray mampitontongana ny lanjam-bola eto Madagasikara ny tsy fananany reserves d’or raha ny fanazavan’ny mpahay toekarena.

Nitondra fitarainana ny lehibem- pokontany   ao Tsarasaotra Antsirabe renivohitra . Fa msiy olona manary maloto amin’ny sachet eo amin’ny fokontany izay hiadidiany. Eo ihany koa ny tsy fandriam-pahalemana manjaka  any an-toerana.

Olona 03 no saron’ny Polisim-pirenena ao Ambatondrazaka ka natolotra ny fampanoavana avy hatrany . Ny 02 lahy sarona tamin’ny fanamboarana menaka sakafo hosoka, ny 01 hafa kosa mpamatsy fitaovam-piadiana nandritra ireo fanafihana mitam-piadiana nifanesy tao an-toerana ny herinandro lasa teo. 

Hanomboka rahampitso ny adina ara-panatanjahantena ho an’ireo mpianatra hanala ny fanadinam-panjakana BEPC any Toamasina araka ny nambaran’ny lehiben’ny CISCO Toamasina I. Tsy tokony hanana ahiahy ny Ray aman-dReny fa efa mipetrapetraka avokoa ny fepetra rehtra raha ny fanazavana.

Mahazo laka eo amin’ny fitaterana entana eto Madagasikara ankehitriny ireo fiara sprinter izay nitondra olona teo aloha. Miantso ny minisitera tomponandraikitra ny Association des Transporteurs Camionneur manoloana ireo sprinter aman-jatony mitondra entana.