Archives annuelles: 2019

Mahaliana ireo mpizahatany tonga eto Madagasikara amin'izao fotoana ny fitsidihana ireo "Canyon". Ho an'ny Parc Ankarafantsika manokana, mitazona ny laharana faharoa amin’ny fitsidihana be indrindra amin'ireo "Cicruit" miisa 08 misy ao an-toerana ny “canyon”.

Ho jerena manokana mandritra ny fivoriana hotontosain’ny Solombavambahoaka amin’ny faha-12 aogositra ho avy izao ny lalàna mifehy ny mpanohitra eto Madagasikara. Tanjona amin’izany ny tsy hisian’ny manjavozavo intsony amin’ny fametrahana ny toerany ny mpanohitra eto Madagasikara, raha ny fanazavan’ny Filohan’ny Antenimierampirenena.

Efa mandeha avokoa ireo milina lehibe fisintoman-drano 5 eto Antananarivo izay nasiana fanavaozanana hiatrehana ny fahavaharatra ho avy. Ny eo anivon’ny APIPA manomboka izao no hitantana azy ireo. Nidina nijery ifotony izany ny minisitry ny fanajariana ny tany, ny toeram-ponenana ary ny asa vaventy androany.

Nahaton'ny prefektoran'Antananarivo ny fanorenana ataon'ny kaominina ao amin'ny Parking tsena Anosibe. Manome 48 ora ny kaominina ireo mpivarotra handravana ireo fanorenana efa nisy hahafahana mamerina amin'ny laoniny ny Parking ary mangataka ny hanaovana fanadihadiana lalina amin'ny mety ho fisian'ny kolikoly.

Nandray ka niarahaba ny Makis an'i Madagasikara ny minisitry ny fanajariana ny tany, ny toeram-ponenana ary ny asa vaventy androany. Nambara nandritra izany, fa vonona ary hanohana hatrany ireo atleta ny eo anivon'ny Minisitera. Tanjona ny hitondrana avo hatrany ny voninahi-pirenena.

Mpikambana miisa 50 eny anivon'ny CNFPPSH no nahavita fiofanana naharitra roa andro. Tanjona aorian'izao fampiofanana izao ny ahafahan'ireo mpiofana miatrika asa tena avy hatrany.

Hanomboka tsy ho ela ny asa fanarenana ny trano fonenan’ny Praiministra Rainilaiarivony eny AMBODITSIRY. Io no nisongadina nandritra ny fitsidihan’ny minisitera tomponandraikitra sy ny solontenan’ny masoivohon’i Japon teny an-toerana. Nanamafy ny fahavononany hiara hiasa amin’ny ministera tomponandraikitra ihany koa ny taranaky ny Praminisitra.

Manamafy ny fahatokisan'ireo mpamatsy vola ny fanjakana Malagasy ny fankatoavan'ny Filan-kevim-pitantanan’ny Tahirim-bola iraisam-pirenenena ny famaranana ny fanadihadiana faha-dimin'ny fandaharan’asa FEC , na ny Facilité Elargie de Crédit, hoy ny teo anivon'ny Banky foiben'i Madagasikara. Maro ny asa hiompanan'ny vola kosa hoy ny solotena maharitry ny FMI eto Madagasikara.

Nidina nijery ifotony ny zava-misy eny amin'ny CSB II Ampahimanga Ambohimanambola ireo tompon'andraikitra androany manoloana ny resabe naely momba ity toeram-pitsaboana ity.

Natomboka androany ny fanatsarana ny lalana mampitohy an'i Toamasina sy Foulpointe na ny RN 5. Hanarapenitra ny kalitaon'izany raha ny fanazavana teo anivon'ny minisitera tomponandraikitra. Mifandray tanteraka amin'ny fampandrosoana ny toekarena any an-toerana ity fanatsarana ity.