Archives annuelles: 2019

Hiverina manomboka ny voalohan’ny volana Aogositra izao ary hifarana ny faran’ny volana Septambra ny fitsarana miaramila sy ny fanisana ireo vatan-dehilahy feno 18 taona manerana an’i Madagasikara. Tolo-kevitra avy amin’ny Filohan’ny repoblika izany raha ny fanazavana ary isany lalana tokony hodiavin’ny vatan-dehilahy malagasy araka ny lalàna velona.

Tafaverina eto an-tanindrazana androany ny ampahany betsaka tamin'ireo atleta Malagasy nandray anjara tamin'ny lalaon'ny Nosy tany amin'ny Nosy Maurice. Tsara ny vokatra ho azy ireo ary tanjona ny hanatsarana hatrany ny ezaka efa vita.

90 andro mialohan'ny daty hanatanterahana fifidianana, no tokony hivoaka ny didimpanjakana avy amin’ny filan-kevitry ny governemanta miantso ny mpifidy handatsa-bato. Tsy nisy io didimpanjakana io, noho izany hihemotra amin’ny fotoana mbola tsy voafaritra ny fifidianana Ben’ny tanàna.

19 no najanona amin’ny toerany, 2 naverina, 1 nosoloina… Io ny governemanta azo ambara ho vaovao satria nametra-pialana tarihin’ny Praiminisitra NTSAY Christian. Mitohy ny asa, ny asa no ifampitsarana. Tsy maintsy tanteraka ny vina sy veliranon’ny Filohampirenena RAJOELINA Andry.

Nankatoavin'ny Filan-kevim-pitantanan’ny Tahirim-bola iraisam-pirenenena omaly ny famaranana ny fanadihadiana faha-dimin'ny fandaharan’asa « Facilité Elargie de Crédit » na FEC ho an'i Madagasikara. Misitraka avy hatrany famatsiambola mitentina 43,4 tapitrisa dolara i Madagasikara.

Asan'ny fitondram-panjakana amin'ny alalan'ny MAHTP avokoa ireo fanamboaran-dalana mandeha eto Antananarivo amin'izao fotoana. Hisy fanatsarana ny fomba fiasa eo ihany koa ny fandinihana ny Fond d'Entretien Routier ho lasa FR. Ankilany efa maro ihany koa amin'izao fotoana izao ny asa fanamboara efa miainga any amin'ny faritra.

Nofaranana tamin'ny fomba ofisialy androany teny Anosy ny "Education tour" karakaraian'ny Ministeran'ny fanabeazam-pirenana , fampianarana teknika sy fanofanana araka asa. Tanjona lehibe tao anatin'ny fifaninana ny hamporisihana ireo mpianatra avy eny anivon'ny CEG sy Lycée mba hanaraka sy hankafy ny taranja siantifika

Fokontany 4 eny Soanierana sy ny manodidina ankehitriny no mitondra faisana vokatry ny fahapotehan’ny ampahan-dalana eny antoerana. Nitazam-potsiny ny kaominina Antananarivo manoloana ny antso natao nandritra ny 8 volana hoy ny sefo fokontany eny Soanierana.

Fanamby lehibe apetraky ny eo anivon'ny minisiteran'ny fanajaraiana ny tany, ny toeram-ponenana sy ny asa vanenty ny tsy fanekena ny gaboraraka sy ny fandanindaniam-poana ny volam-panjakana. Nitondran'ny ministera fanazavana ihany koa ny mahakasika ny raharaha amin'ny Solombavambahoaka Naivo RAHOLIDINA. Henri Florien

Haverina amin'ny laoniny ny tetiandrom- pampianarana izay nasiam- panovana tamin'ny alalan'ny tetikasa PSE. Ankoatr' izay, betsaka ireo fanatsarana ho hita eny anivon'ny minisiteran'ny fanabeazam- pirenena raha ny tatitra nataon'ny minisitra tomponandraikitra nandritry ny famindram- pahefana natao androany teo amin' ireo minisitra 2 tonta.