Archives mensuelles: février 2020

Hametrahana « Caméra de surveillance » ireo toerana rehetra anjakan’ny tsy fandriam-pahalemana eto Antananarivo renivohitra hoy ny teo anivon’ny OTME. Maro ireo vokatra efa azo hatreto, na teo amin’ny fifamoivoizana na ny tsy fandriam-pahalemana raha ny tatitra voaray.

Nidina tany amin’ny faritra Alaotra Mangoro tamin’ity androany ity ny filohampirenena mivady nankahery sy nitondra fanampiana ireo traboina tany an-toerana. Hovatsiana masimboly ireo tantsaha vokatry ny fiarahamiasa amin’ny banky iraisam-pirenena sy ny Pam raha ny fanazavana.

Lasa any amin’ny club n'i GF38 Grenoble D2 any France i Arnaud na Yaya izay mpilalao lohalaharana tao amin'i Cnaps nandritra ny taom-pilalaovana farany teo ary mpilalao ao amin’ny Barea A ihany koa. Tsy mety manao sonia ny mutation anefa ny CNAPS raha tsy mandoa ilay volabe ny GF38. Fihetsika izay miantefa ary mety hanimba ny ho avin’i Arnaud.

Tsy manaiky ny hamerenana ny fifidianana any amin’ny kaominina Morafenobe ireo mpifidy any an-toerana. Antony tsy fantatra mazava ny antony hamerenana izany ary mampametra-panontaniana ihany koa ny peta-drindrina navoakan’ny fitsarana misahana ny ady amin’ny fanjakana raha ny fanazavana.

Vonona i Madagasikara amin’ny fiatrehana ny tsimokaretina Coronavirus raha sanatria ahitana tranga eto an-toerana hoy ny Praiminiistra Ntsay Christian tamin’ity androany ity teny amin’ny seranam-piaramanidina Ivato. Hamafisina ihany koa ny fepetra amin’ireo seranam-piaramanidina sy seranan-tsambo rehetra.

Manana andraikitra lehibe amin’ny fampandrosoana ny sehatrin’ny ara-toekarena ireo valanjavaboary misy eto Madagasikara. Antony mahatonga izany ny fananan-tsika ireo harena voajanahary toy ny ala sy ireo karazana biby tsy hita afatsy eto amin-tsika raha ny fanazavan’ny tomponandraikitra.