Archives mensuelles: juin 2020

Manoloana ny krizy eny anivon’ny orinasa tsy miankina, napetraka ny fampindramam-bola Miarina entina hanampiana ny TPME na ny Très Petites Entreprises et Petites et Moyennes Entreprises. Ireo mampiasa vola latsaky ny 5 miliara Ariary no afaka misitraka izany. Io hatreto ny vahaolana naroson’ny fitondram-panjakana taorian’ny antso nataon’ny mpandraharaha ho fanohanana azy ireo.

Maro ireo namaly ny antson’i RAZAIHARIMANANA Nathalie, izay renim-pianakaviana malemy vokatry ny aretina mahazo azy. Nisy androany ireo tonga nitondra izay voatsirambin’ny tanana, entina hanampiana azy sy ny ankohonany, tao koa ny nandray an-tanana ny fitsaboana.

Tsy nisy fihenana ny mpanjifa amin’ireo toerana fanaovana  tatouage na eo aza ny fisian’ny valan’aretina coronavirus. Nampitomboana fepetra noraisina sy ny fiarovana raha ny nambaran’ny mpisehatra amin’izany nanaovana fanadihadiana.

Tsy ho azon’ny rehetra atrehina ny matso lehibe tanterahina eny Analakely ny faha 26 ny volana Joana hankalzana ny fetim-pirenena noho ny fisian’ny valan’aretina Coronavirus, amin’ny fahitalavitra avokoa ny rehetra no manaraka izany raha ny nambaran’ireo tomponandraikitra eo anivon’ny EMMO-NAT androany. Foana ihany koa ny fitondrana arendrina ary tsy misy afomanga mandritra ny fankalazana.

Hiverina hisokatra manomboka rahampitso ireo Centre d’Immatriculation de Madagascar rehetra manerana ny Nosy rehefa nikatona nandritra ny 2 volana mahery. Ireo antontan-taratasy efa eo am-pelatanana no hikirakirana ao anatin’izany ary ferana ho 50 isan’andro ny olona raisina noho ny fisian’ny valan’aretina eto amintsika.

Nohamafisin’ny minisitry ny Angovo sy ny Akoran’afo nandritra ny fihaonana teny amin’ny  Antenimierandoholona androany fa tsy hidina ny vidin’ny Solika.   Maro hoy izy ny  hetra takiana amin’ny vidin’ny solika.

Nitohy ny tapany hariva teo ny fihaonan’ny Antenimierandoholona sy ireo mpikamban’ny governemanta. Minisitera 3 lehibe no nanao tatitra sy namelabetra ny tanjony amin’ity taona 2020 ity.  Raha tsy nivoana tamin’ny fanamboaran-dalana ny fanontaniana napetraky ny Loholona ho an’ny minisitry ny fanajariany ny tany sy ny asa vaventy, nifantoka tamin’ny Tanamasoandro ny resaka ho an’ny minisitra lefitra misahana ny toeram-ponenana sy ny tanana vaovao. 

Ny hariva teo tamin’ny 6 ora sasany no nigadona teny amin’ny seranam-piara-manidin’Ivato ireo mpiasa vehivavy Malagasy miisa 176 avy any Koweït niaraka tamina zazakely iray.  Hatoka-monina mandritra ny 14 andro eny Vontovorona ireo vehivavy miisa 164 tonga avy any Koweit ny hariva teo fo fitandroany ny fahasalamana.

Miandradra vahaolana ireo sehatra tsy miankina manoloana ny fatiantoka aterak’ilay valan’aretina coronavirus izay miteraka fatiantoka 100% amin’ireo sehatra maro. Ny alakamisy ho avy izay ny fihaonana manaraka eo amin’ny filohanan’ny repoblika sy ireo sehatra tsy miankina, ka ny plan d’urgence multisectoriel no tena hivoitra mandritra izany.

Taorian’ny fampilazana natao, niroso tamin’ny fandravana ireo trano fivarotana tsy ara-dalàna ny eo anivon’ny Kaominina Antananarivo renivohitra. Trano tsy ara-dalàna miisa 10 teny Analakely sy Soarano no narodana androany. Famerenana ny ara-dalàna sy ny hasin’ny tanàna hatrany no tanjona.