Archives mensuelles: février 2021

Hafindra ho raisin’ny kaominina Antananarivo Renivohitra ny fitantanana ny Parking eto an-dRenivohitra, araky ny fanaovantsoniam-pamindram-pitantanana tamin’ireto farany sy ny Easy Park androany. Misy ny lamina napetraka amin’ny fanatanterahana izany. Namafisin’ny Ben’ny tanàna kosa  fa tsy hisy ny fiakaran’ny saran’ny parking io.

Tsy afaka hanatontosana hetsika ny eo amin’ny zaridainan’Ambohijatovo ireo manao fangatahana ny amin’izany ato anatin’ny 7 volana fara fahakeliny, araky ny namafisin’ny Ben’ny tanànan’Antananarivo androany.  Io fe-potoana io izay fotoana hanantontosana ny asa fanamboarana ny zaridaina.

Nihamafy ny fifandonan’ireo mpianatry ny polytechnique Vontovorona sy ny mpitandro filaminana raha ny zava-nisy tamin’ity androany ity. Nampiasa fitaovana toy ny flesy sy pilotra ireo mpianatra, vokany, mpitandro filaminana telo naratra.

Taorian’ny nanaovan’ireo mpampianatra sy mpandraharana teny anivon’ny LMA antso fanairana ho an’ny minisiteran’ny fanabeazam-pirenena mahakasika ny firongatry ny Covid-19 eny an-toerana, mpampianatra sy mpandraharaha maherin’ny 50 androany no nanaovana fitiliana. Ny valin’ny fitiliana arak’izany no hamaritra ny fahafahan’izy ireo manohy ny fampianarana na tsia araka ny fanazavana.

Efa nisy ny lamina napetraka fa miandry ny fankatoavana aorian’ny fanadihadiana vao hiroso amin’ny fandoavana ny vola izay hanaovan’ireo orinasa mpikojakoja lalana fitakiana amin’izao fotoana izao. Io no valintenin’ny tahirimbolam-panjakana androany manoloana ny fitakian’ireo orinasa mpikojakoja lalana ireo.

Ilaina ny fametrahana lamina vaovao, hisorohana ny fipariahan’ny Covid-19 amin’ny vanim-potoana mangatsiaka, araky ny nivoitra nandritra ny fivorian’ny mpikambana eo anivon’ny governemanta notarihin’ny praiminisitra, sy ireo mpisehatra samihafa androany. Namafisiny nandritra izay fa vonona ireo mpiara-miombon’antoka hanohana an’i Madagasikara amin’ny fanamafisana ny ady amin’ity valan’aretina ity.

Ampitsahatra ny fitokonana ireo Paramed ary manome 72 ora ny fitondram-panjakana hamaliana ny fitakian’izy ireo. Miandry ny fanataterahana ny fampanantenan’ny minisitera mpiahy kosa ireo mpianatra mpitsabo eny amin’ny oniversiten’Antananarivo mialohan’ny andraisana fanapahan-kevitra.

Hiverina handray anjara amin’ny fandoavana ny karaman’ny mpampianatra FRAM indray ny raimanandreny mampiana-janaka eny anivon’ny sekolim-panjakana. Io raha ny votoatin’ny naoty navoakan’ny teo anivon’ny minisiteran’ny fanabeazam-pirenena androany. Namafisin’ny tomponandraikitra ankilany fa tsy an-tery ny fandoavana ny latsakemboka momba izay.

Mikaikaika ireo vahoaka ao amin’ny fokontany Firavahana, Kaominina Fenoarivo manoloana ny faharatsian’ny lalana. Nomen’ny kaominina hanariana orinasa vahiny iray ranontany ny lalana nahatonga ny fahasimbana hoy ny fanhon-kevitr’ireo mponina.

Tafiakatra manodidina ny  3 000 Ariary ny hanjifana 1 Bidon 20L ny rano amin’ny toerana maro anatin’ny Faritra Atsimo sy Androy, araka ny vaovao azo avy any an-toerana. Miteraka olan’ny famatsiana rano ny olana eo anivon’ny AES na ny Alimentation en Eau dans le Sud. Manao antso avo ny handrosoana vahaolana manoloana izany ny mponina any an-toerana, hiverenan’ny famatsian-drano amin’ny laoniny.