Archives quotidiennes: 2 février 2021

Manoloana ny fitarainana sy ny fanakianana mahakasika ny Solombavambahoaka tato anatin’ny volana vitsivitsy, nandefa taratasy ho an’ny solombavambahoaka tsirairay avy ny filohan’ny Antenimierampirenena ka nampahatsiahy azy ireo ny adidy sy andraikitra sahaniny. Manala baraka sy manendrikendrika ny mpitondra fanjakana ny teniteny foana sy ny filazana zavatra tsy misy porofo hoy izy.

Mora ny fepetra takiana ho an’izay maniry hiasa any Canada raha ny fanadihadiana natao tamin’ity androany ity. Miankina amin’ny tolotr’asa misy any an-toerana kosa anefa no andraisana mpiasa eto Madagasikara. Androany, olona 15 no namonjy an’i Canada hiasa herintaona hatramin’ny telo taona.

Samy manana ny filazany ny eo anivon’ny Minisitera sy ireo Inspecteur du travail manao fitakiana amin’izao fotoana, indrindra taorian’ny famoahan’ny minisitera « affectation » ho an’ny mpiasam-panjakana ka isan’izany ny ankamaroany amin’ireo manao fitakiana. Tsy ara-dalàna ny affectation hoy ny Inspecteur du travail. Nanaraka ny Procedure rehetra io hoy kosa ny Minisitera.

Na tsy mitsaha-mitombo aza ny olona mitondra ny tsimokaretina Coronavirus eto amin’ny Faritra Analamanga, maro amin’ny olomp-irenena no tsy manaja ireo fepetra ara-pahasalamana. Ny herinandro teo, olona maherin’ny 1 700 no nanao asa ho an’ny tombotson’ny daholobe.

Miroso tanteraka ny fanadihadiana ataoan’ny eo anivon’ny kaominina Antananarivo renivohitra manoloana ilay ilay trano nianjera tao Anosizato Atsinanana izay tsy ara-dalàna. Miroso ihany koa ny fitsirihana sy ny fandraisana andraikitra manoloana ny fanorenana tsy ara-dalàna raha ny nambaran’ny ben’ny tanàna.