Accueil 2022
Archives annuelles: 2022
Ankadifotsy : 5 tamin’ireo razana tototry ny tany no efa hita
8 ny fantatra fa tototry ny tany nandritra ny fiotsahana Parking iray tetsy Ankadifotsy androany maraina. Hatramin’ny fotoana nanaovana ny fanadihadiana tamin’ny 2 ora atoandro, 5 ny razana voasikotry ny sampana mpamonjy voina. Mitohy arak’izany ny fikarohana ny ambiny, izay anaty fahasarotana tanteraka noho ny fahavesaran’ny ranotany sy ny vato nianjera tamin’ireo trano tra-doza.
Fefiloha Vaky
Vaky ny hariva teo ny fefiloha manelanelana ny Kaominina Soavina sy Ampitatafika, isan’ny nahatonga ny fahavakisana ny tsy fitovian’ny hamafin’ny fefiloha raha ny fanadihadiana natao.
Ambohitrimanjaka : nohamafisina ireo toha-drano
Tsy marina ny filazana ny amin’ny fahavakisan’ny toha-dranon’Ampirihika ao amin’ny kaominina Ambotrimanjaka halina raha ny nambaran’ny Ben’ny tanàna teny an-toerana androany. Niverina ny fahasimban’ny vavan’ny barazy manondraka ny tanimbary ao Ampirihika, nisy manoloana izany ny fifanomezan-tanana teo amin’ireo fokonolona sy ny tomponandfraikitra ho fanamafisana ny toho-drano manakana ny reniranon’i Sisaony tsy handifitra ireo tanim-bary sy ireo tanàna manodidina.
Covid-19 : tsy vahaolana intsony ny fidirana amin’ny fihibohana
Tsy vahaolana indrindra ho an’ny toekaren’I Madagasikara intsony ny mety ho fidirana indray amin’ny fihibohana. Hitombo ny tsy an’asa ary hiakatra lavitra ny vidim-piainana. Ny fanamafisana ny fampitam-baovao mba hialan’ny rehetra amin’ny tsaho manakorontana ny saina no tokony himasoan’ny fanjakana raha ny fanazavana.
FIZAHANTANY ANOSY : nomena fiofanana ireo mpisehatra
Miisa 1019 ireo mpisehatra amin’ny fizahantany ao amin’ny Faritra Anosy nahazo fiofanana tamin’ny alalan’ny tetikasa MIATRIKA. Tetikasan’ny fanjakana Malagasy amin’ny alalan’ny PIC-2 natao hanarenana ireo mpisehatra amin’ny fizahantany vokatry ny Krizy nateraky ny COVID-19.
Organisme rattaché : miverina eny amin’ny Minisitera mifamatotra aminy ireo mpiasa
Nofoanana ireo Organisme rattaché mandany volam-panjakana izay efa misy amin’ireo minisitera no manao ny asany, araky ny tapaka nadritry ny Filankevitry ny Minisitra omlay. Miverina eny amin’ny ministeran’ny fiaraovam-pirenena avokoa iroe mpiasa teo amin’ny OTME raha ny fanazavana, ho any ireo organisme rattaché miisa 3 miankina amin’ny Fiadidinana ny Primatiora miverina eny amin’ny ministeran’ny asa ny fampananana asa ireo mpiasa.
Banky iraisam-pirenena : naneho miharihary ny tsy fahaiza-mitantana eto Madagasikara
Foana avokoa hoy ny mpandinika fiainam-pirenena ireo fifanarahana rehetra amin’ny tetikasa vatsian’ny Banky iraisam-pirenena vola, taorian’ny fanasaziana navoakan’izy ireo mahakasia ny fanamboarana ny seranam-piaramanidina Ivato. Tokony handray fanapahan-kevitra ihany koa ny Fanjakana Malagasy amin’ny orinasa nanao kolikoly ary haseho am-pahibemaso ho fantatry ny rehetra hoy ny Transparency International.
Ambohibao Antehiroka : 04 mianaka no maty vokatry ny fihotsahan’ny tany
Olona 4 mianaka no maty noho fihotsahan’ny tany teny Ambohibao Antehiroka ny Alarobia 05 janoary, tokony tamin’ny 9 ora alina, nandritry ny rotsak’orana naharitra. 5 mianaka izy ireo no niharan’ny loza, saingy avotra soa aman-tsara ny 1 tamin’izy ireo. Nananosarotra ny fitadiavana ny razana noho ny haizina.
Fanondranana volamena : malagasy 02 voasambotra tany Comores
Naiditra am-ponja vonjimaika omaly tany Kaomoro ireo 02 lahy voasaringotra tamin’ny fanondranana volamena an-tsokosoko 73kg. Efa nandefa ny demande d’extradition tany amin’ny firenena nahatratrarana azy ireo ny minisiteran’ny fitsarana ahafahana manohy ny fanadihadiana.