Archives quotidiennes: 21 juin 2021

Isan’ny nandray anjara betsaka tamin’ny ady atao amin’ny COVID-19 eto amintsika ny Fiangonana, izay niezaka nitety ireo CTC sy Hopitaly ka nitrotro am-bavaka sy nitondra fanampiana ho an’ireo marary. Zava-dehibe ho an’ny firenena izany ary tokony ho tohizana hatrany ny fiaraha-mivavaka ho an’ny firenena.

Tsy mbola mahasarika ny ankamaroan’ny vehivavy any amin’ny Faritra Atsimo-andrefana ny fanaovana fandrindram-piterahana hoy ireo mpitsabo nanaovana fanadihadiana. Ny eo amin’ny fombafomba misy sy ny fomba fisainana no antony tsy mamparisika azy ireo handrindra ny isan’ny Zaza hateraka. Na izany, efa misy ihany ireo rototra amin’ny fandrindram-piterahana vokatry ny fahasarotan’ny fianana.

Amin’izao fankalazana ny fetin’ny ray izao, maro ireo raim-pianakaviana mitsoaka adidy raha ny fanadihadiana natao. Miady irery vokatr’izany ny renim-pianakaviana, mamelona ny ankohonana. Toa an’i Rasoarinoro Myriam.

Ho fiarovana ny tontolo iainana sy ho fitantanana maharitra ny ala, nisy ny fakan-kevitra natao tamin’ireo mpitrandraka ao Moramanga. Ny fitantanana sy ny fiarovana ny ala izay tsy maintsy harahi-maso akaiky amin’izao vanin’andro iainantsika izao, noho ny fahapotehana sy ny fitrandrahana tsy ara-dalàna.

Tontolon’ny raim-pianakaviana izay hatrany, misy ireo mitsoaka adidy fa ao ihany koa ireo milofo mafy sy miady amin’ny fiainana tahaka an’i FANAMPISOA. Tsy mba nankalaza ny fetin’ny Ray izy androany noho ny fahasarotan’ny fiainana fa nanohy hatrany ny asa fivelomany hisakafon’ny vady aman-janany.