Archives quotidiennes: 9 décembre 2021
Tsy fanajana ny zon’olombelona : manodidina ny 100 ireo fitarainana voarain’ny CNIDH
Manodidina ny 100 ankehitriny ny fitarainana voarain’ny eo anivon’ny vaomieram-pirenena mahaleotena misahana ny zon’olombeolna na ny CNIDH mikasika noho ny tsy fanajana ny zon’olombelona. Ny trangana herisetra sy ny tontolon’ny asa no anisan’ny nahazoana fitaraina betsaka indrindra amin’izany raha ny fanazavana. Tontosa androany tetsy Analakely ny hetsika fampiratiana, tafiditra anatin’ny fankalazana ny herinandro ho an’ny zon’olombelona.
LFI 2022 : manahy ny amin’ny fihenan’ny fampisam-bola amin’ny sehatra tsy miankina ny GEM
Ahiana ny fihenan’ny fampiasam-bola ho an’ireo orinasa tsy miankina ho an’ny taona 2022 eto Madagasikara raha ny nambaran’ny teo anivon’ny GEM na ny ny groupement des Entreprises de Madagascar. Anton’izany ny fanovana anaty ny teti-bolam-panjakana 2022 ny mikasika ny tombotsoa manokana ho an’ireo orinasa tafiditra anaty ny « zone franche ».
Fifidianana filohan’ny CENI : ahiana ho nisy tsindry ara-politika hoy ny KMF Cnoe
Ahiana ho nisy tsindry ny fifidianana izay ho filohan’ny CENI notanterhina ny Alatsinainy lasateo hoy ny filoha nasionalin’ny KFM Cnoe Fanabeazana Olom-pirenena. Mampitombo sy miteraka ahiahy eo anivon’ny mpiantsehatra ara-pifidianana sy ara-politika ny naha voafidy ny olona notendren’ny filohampirenena hitantana ny rafitra mpikirakira ny fifidianana ity. Ankoatra io, takian’ny Vnoe ihany koa ny fanaovazana ifotony ny lisi-pifidianana amin’izao fotoan’ny RALE izao.
Tsy fanjarian-tsakafo : hamehana maneran-tany tsy maintsy handraisana andraikitra
Tanterahina ao Tokyo renivohitr’i Japon, nanomboka omaly ary mifarana androany ny Fihaonana an-tampony momba ny Sakafo ho an’ny fitomboana na « Sommet de la Nutrition pour la Croissance ». Ho fanamafisana ny fiaraha-miasa manoloana ny ady atao amin’ny tsy fanjarain-tsakafo vokatry ny KERE any Atsimon’ny Nosy no isan’ny hiadiana mafy, hoy ny Filohan’ny Repoblika nandritry ny fandraisam-pitenenana nataony. I Madagasikara izay isan’ireo firenena manana taha ambony na eo aza ireo ezaka natao hatrizay.
Apollo 21 : fandraharahana no nifandraisan’i Philippe F. tamin’i Paul RAFANOHARANA
Tohin’ny fitsarana ny raharaha Apollo 21, fandraharahana sy fananganana orinasa TSARA FIRST no nifandraisan’ilay teratany vahiny Philippe François sy Paul Rafanoharahana araka ny nivoitra androany tamin’ny fotoam-pitsarana. Ankoatra ity teratany vahiny ity, isan’ny niatrika fitsarana ihany koa ny vadiny.