Archives mensuelles: avril 2018

Ankoatra ny antoko Malagasy miara-miainga, manameloka ny fomba fandaniana ny lalàmpifidianana teny anivon'ny antenimierampirenena ihany koa ny fiarahamonimpirenena, mpanao politika mpanohitra, ny CVDE. Miantso ny fahatongavan-tsainan'ireo andriampanjakana hafa, indrindra ny fitsarana avo momba ny lalàmpanorenana manoloana ny lalàna tsy mifanaraka amin'ny lalampanorenana tian'ny fitondrana apetraka etro amin'ny firenena.

Tokony nasiana ady hevitra matotra mialoha ny fandaniana ny ZES na ny zone economique spéciale natao hamehana teny amin'ny Antenimirampirenena, raha ny fanazavan'ny teo anivon'ny CRAAD OI

Nanaovan’ireo solombavambahoaka mpanohana ny fitondrana am-boletra ny fandaniana ireo volavolan-dàlana miisa 3 hifehy ny fifidianana natolotry ny mpitondra HVM, tsy nasiam-panitsiana ary ny lalàna hifehy ny ZES. Nandresy indray ny herin’ny vola, hoy ireo Solombavambahoaka avy amin’ny Malagasy Miara-Miainga, MAPAR, TIM ary ireo tsy miankina, izay nanisy fanitsiana sy fanatsarana ireo volavolan-dalàna ireo.

Miaka-midina ny vidin-tsolika tao anatin'ny 24 ora monja. Niemotra indray ve ny fanjakana manoloana ny fampiharana ny vidiny tena izy? Inona ny fifanarahana farany natao tamin'ireo mpaninjara solika? Fifanarahana politika avo lenta no misy amin'izao eo amin'ny famaritana ny vidin-tsolika raha ny fanazavan'ny mpahay toekarena iray.

Nampiseho ny heriny ny vola teny amin'ny Paon d'or Ivato. Nifemezivezy teny an-toerana ireo mpikambana teo anivon'ny governemanta hatramin'ny Praiminisitra lehiben'ny governemanta, nitady ny fomba rehetra ampandaniana ny lalàna mifehy ny fifidianana.

Volana vitsivitsy mialohan'ny hanatanterahana fifidianana, miroso hatrany amin'ny fametrahana ny fanjakana jadona eto amin'ny firenena ny fitondrana HVM. Rehefa hita mazava ny tsy fankasitrahan'ny vahoaka ny mpitondra ankehitriny, na amin'ny alalan'ireo solombavambahoaka, na amin'ny alalan'ny famoriam-bahoaka ataon'ny mpitondra, famerana ireo mpifananadrina ara-politika amin'izy ireo tsy hihaona amin'ny vahoaka mpanara-dia azy tsirairay indray no ilofosan'ny mpitondra mafy.

Manoloana ny toe-draharaha misy eto amin'ny firenena, ny fanitsahana ny didy aman-dalàna ataon'ny mpitondra, ny fanaovana tery vay manta ny fandaniana ny lalàna momba ny fifidianana, sy ny tsy fanajana ny zon'olombelona amin'ny endriny maro ataon'ny mpitondra ankehitriny , namoaka fanambarana ny antoko Malagasy miara miainga manameloka ireo. Tokony ho mailo ny rehetra amin'ny lalàm-pifidianana izay terena ho lanian'ny solombavambahoaka ankehitriny.

Nandeha ny feo fa ho tambazana 40 Tapitrisa Arairy ireo Solombavambahoaka HVM sy mpomba ny fitondrana hampandany ny lalàna hifehy ny fifidianana. Nitohy omaly ny ady hevitra sy ny famoriana azy ireo izay efa nanomboka ny zoma faha 30 ny volana martsa lasa teo.

Indro atolotra anao ny fizotran'ny tranga tany Mahajanga, izay niandrasan'ireo mpomba ny Filohan'ny tetezamita teo aloha RAJOELINA Andry, saingy nambara ho nosakanan'ny Filohampirenena ny fiaramanidina saika hitondra azy nihazo an'i Mahajanga. Tranga izay nanomboka ny Alakamisy faha-29 martsa sy ny tontolo andron'ny Zoma faha-30 martsa lasa teo.