Archives mensuelles: avril 2019

Sehatra iray ahafahan'ny fitondram-panjakana mampidi-bola hiteraka fampandrosoana ho an'ny firenena ny économie bleue. Raha ny zava-misy, tsy vohatrandraka araka ny tokony ho izy ny ranomasina sy ny ranomamy ary ny harena ao aminy eto Madagasikara hoy ny mpisehatra amin'izany.

Tafiditra anatin'ny fanomanana ny Jeux des Iles, nifarana omaly ny premier regroupement na ny fampivondronana voalohan'ny Ekipam-pirenena Rugby. Etsy ankilany, nanolotra vary sy lelavola ho an'ireo mpilalao sy ny mpanazatra ny mpiahy ny Rugby à 7, ny minisitra Hajo Andrianainarivelo androany.

Saika isan’andro dia misy raharahana kolikoly miditra eny amin’ny PAC na ny Pôle Anti-corruption. Mahatratra 96 ankehitriny ireo raharaha voaray ao ankehitriny, ny kolikoly sy fanararaotam-pahefana ataon’ny mpiasam-panjakana ambony no maro, raha ny fanazavana voaray.

Fototra iray iankinan'ny fiainam-pirenena ny fananana solombavambahoaka mahatanteraka ny asa takiana aminy araka ny tokony ho izy. Fotoana hanamafisana ny fanabeazana olompirenena izao hoy ny mpandinika fiaraha-monina sy ny fiarahamonim-pirenena. Ilaina araka izany ny fahaiza-mifidy ho an'ny vahoaka Malagasy.

Tomponandraiki-panjakana ambony eo anivon’ny minsiteran’ny jono sy ny oniversiten’i Mahajanga no nampidirina am-ponja noho ny raharaha fampiasana mari-pahaizana sandoka. Ho entitra ankilany ny fanasazianasy ny fanadioavana isaky ny ministera sy radi-panjakana hoy ny minisitry ny fampianarana ambony sy fikarohana ara-tsiansa.

Mbola maro amin’ireo zaza mipetraka any amin’ireo kaominina Ambanivohitra eto Madagasikara no tsy miditra an-tsekoly. Antony, ny tsy fahampian’ny enti-manana eo amin’ireo Ray aman-dreny. Isan’izany ny ao amin’ny kaominina Dabolava , distrikan’i Miandrivazo any amin’ny faritra Menabe.

Amin’izao vanin’andro manakaiky ny fetin’ny paska izao hatrany. Nahitana fikarana 2 000 Ariary ny saran-dalana rezionaly. Isan’izany ny zotra mampitohy an’Atsirabe sy Antananarivo. Ny faran’ny herinandro izao no vinavinaina hihabetsaka ny mpandeha.

Hafantarana ny fandrosoan'ny firenena iray ny fahadiovana misy ao aminy. NY mahakasika ny fanariana fako sy fanajana ny manodidina indray no nanaovan’ny Agence Capsule, izay miara-miasa amin'ny KOLO TV fanadihadiana. Tokony hiainga avy ao an-tokatrano ny fitaizana amin'ny fitandrona ny fahadiovana raha ny fanazavan'ny mpiantsehatra amin'ny RF2 eny anivon'ny fokontany.

Miato vonjimaika ny hetsika mampifanolana ny mpivarotra eo amin'ny pavillon Analakely sy ireo mpivarotra amoron-dalana. izay no nivoitra, taorian'ny fihaonana teo amin'ny roa tonta natrehin'ny tomponandraikitry ny kaominina Antananarivo renivohitra sy ny prefet Antananarivo.

Araka ny efa nitaterana taminao teto amin’ny fampahalalam-baovaon’i KOLO Tv/FM omaly, nampiantso mpanao gazety androany ireo Loholona HVM vitsivitsy nanamarina ny fisian’ny disadisa eo amin’ny samy HVM ao anatin’ity Andrimpanjkana ity.