Archives mensuelles: avril 2019

Hanomboka ny faha-30 ny volana septambra ho avy izao ny fanadinam-panjakana bakalorea sokajy ankapobeny ho an'ity taom-pianarana 2018-2019 ity. Mifarana rahampitso amin'ny 6 ora hariva kosa ny fisoratana anarana .

Nandritra ny fanambarana niombonana teo amin’ny Filohan’ny Repoblika Malagasy RAJOELINA Andry sy ny Filoha vaovaon’ny Banky iraisam-pirenena David MALPASS androany teny amin’ny lapam-panjaana Iavoloha no nahafantarana fa nanome vola mitentina 392 tapitrisa dolara amerikanina ny firenena Malagasy ny Banky iraisam-pirenena hanampiana ny tetikasa fampandrosoana eto amintsika.

Tokony hidina ny vidin-tsolika eto Madagasikara araka ny nambaran'ny Filohan'ny Repoblika nandritry ny nanantontosany ny tatitra momba ny asa vita nataony omaly. Ambony raha oharina amin'ny firenena maro aty Afrika ny elanelam-bidy eo amin'izay famatsiana solika izay.

Hahitana taratra ny fananan’ny mpitondra finiavana ara-politika hitondra fampandrosoana ny zato andro voalohany nandraisan’ny filohan’ny repoblika Andry Rajoelina fahefana. Fanantenana no entin’izany ho an’ny vahoaka malagasy raha ny fanadihadiana natao. Teo ihany koa ireo fifanojoan’ny vina tamin’ny sosokevitra naroson’ireo mpisehatra samihafa eto amin’ny firenena.

Resaka ankitsimpo, izay no nanambaran' ny filoha ny tatitry ny zato andro nitondrany firenena manoloana ny vahoaka. Tsy maintsy tanteraka anaty 5 taona ny velirano nifanaovana tam vahoaka malagasy hoy ny filoha. Nisongadina tanatin'izay tatitra izay ny ady @ tsy fandriampahalemana sy ny fanatsarana ny fitantanana ny firenena. Niabo ihany koa ny fifandraisana iraisampirenena ho an'i Madagasikara.

Seha-pihariana tsy manara-dalàna sy tsy mandoa hetra ny fitrandrahana harena an-kibon’ny tany ao amin’ny faritra Bongolava hatrizay. Tsy nisy ny rafi-panjakana manokana nanara-maso ny fitrandrahana hisy fiantraikany amin’ny fampidiram-bolam-panjakana. Miantso ny fitondram-panjakana hijery akaiky izany ny mponina avy any an-toerana.

Tsy mbola nahitam-bahaolana hatreto ka mampitaraina ireo mponina any Taolagnaro sy ny manodidina ny voka-dratsy ateraky ny fitrandrahana fasi-mainty any an-toerana sy ny tsy fisitrahan’izy ireo tombony araka ny tokony ho izy. Tsy misy fiantraikany mivantana amin’ny vahoaka raha ny fanazavan’ny fiarahamonim-pirenena ny tamberim-bidy mitentina 2 tapitrisa dolara isan-taona alohan’ny orinasa mpitrandraka.

Kolon-tsaina, Fampisotroana Tangena, fanapahan-doha sy ny famarinana ny razana teny Ampamarinana. Ireo no endrika ny fistarana tamin'ny vanimpotoan'ny fahapanjakana. Isany mbola vakoka mitahiry ny tantara ny lapan'ny fitsarana eny Antranovato.

Ho tonga eto Madagasikara amin'ity faran'ny herinandro ity ny filohan'ny Banky iraisam-pirenena. Araka ny loharanom-baovao, hisy ny fiarahan'ny Filohan'ny Repoblika Malagasy sy ity filohan'ny Banky iraisam-pirenena ity, hitsidika faritra vitsivitsy eto Madagasikara.

Fanjakana tan-dalàna, Fanjakana tsy mila korontana, Fanjakana te hiasa haingana ho an’ny fampandrosoana maharitra ny vahoaka ao aminy. Ireo no endrika hita sy tsapan’ny vahoaka tamin’ny fanapahan-kevitra noraisin’ny Filohan’ny Repoblika manoloana ny hevitr’ireo mpikambana eo anivon’ny Fitsarana Avo momba ny Lalàmpanorenana, ny amin’ny tsy maintsy hanemorana ny fitsapa-kevi-bahoaka. Na izany aza, very fotoana ny fampandrosoana, takalon’ain’ireo mpanao politika indray ny firenena.