Archives mensuelles: mai 2019

Tontosa androany teny amin’ny lapan’Iavoloha ny andiany faha-7 amin’ny « Dialogue politique » ifanaovan’i Madagasikara sy ny Vondrona Eropeana. Loha-hevitra miisa 6 no nodinihina tamin’ity andiany faha-7 ity. Samy naneho ny fahavononany hanohy ny fiaraha-miasa ho amin’ny fampandrosoana ny maha olona sy ny toekarena eto Madagasikara ny roa tonta taorian’ny dinika.

Nihena ny halatr'omby tato anatin'ny 3 volana farany araka ny nambaran'ireo mpandraharaha misehatra amin'ny resaka omby eto amintsika. Manoloana io, niakatra ny vidin'ny omby fiompy raha ny fanazavana.

Ny fanjakana foibe no tompon’antoka amin’ny fanamboaran-dalana sy sisin-dalana eto Antananarivo amin’izao fotoana izao raha ny nambaran’ireo Ben’ny tanàna nanaovana fanadihadiana.Vinavinaina ho vita amin'ny volana Aogositra izao ny asa rehetra.

Misy mampiasa manao fotodrafitrasa manokana ny vato avy nampiasaina tamin’ny fanamboarana ny sisin-dalàna natokana hanaovana lalan-kely eto Antananarivo. Tonga hatramin’ny fananganana tamboho izay sady manery ny lalam-bahoaka izany ho an’ny etsy TSIADANA.

Mifamahofaho ny resaka ny amin’ny fiverenan’ny fitantanana , ny famoahana sy ny fitakiana ny vola amin’ny ny visa électronique ho an’ireo teratany vahiny miditra eto Madagasikara, amin’ny orinasa AMETIS. Ilaina ny fangaraharahana eo amin’ny tsena rehetra miankina amin’ny fanjakana raha ny fanazavana.

Mitohy ny asan'ny fitondram-panjakana amin'ny fanamboaran-dalana eto Antananarivo Renivohitra. Fanamboaran-dalana izay miatomboka eo amin'ny PK0. Fanadihadiana.

Samy manana ny antom-pivelomany ny isam-batan'olona eto Madagasikara. Na mpiasa tsotra, na mpiasa birao, na miankina na tsy miankina samy manana ny mahazatra azy hahafahana mamelona ny fianakaviana. Ny resadresaka nifanaovana tamin'ireo mpanjono ao Alaotra no ho entina aminao ao anatin'ity fanadihadiana ity.

Anjakan'ny kolikoly ireo toeram-pivarotana eo Analakely. Mpivarotra tsy ara-dalàna am-polony amin'izao fotoana izao no milaza fa napetraky ny ben'ny tanànan'Antananarivo, manimba ny tsenan'ireo mpivarotra ara-dalàna. Tsy nahazom-baliny ny mpitantana ny tanàna manoloana izany.

Tafakatra 1 450 ireo mpifaninana handray anjara amin'ny lalao Utop, Ultra Trail ô Plateaux 2019 izay andiany faha 11. Fifaninanana ho fampiroboroboana ny taranja hazakazaka lavitra ezaka sy ny tontolon'ny fizahantany eto Madagasikara.

Tsy mbola nisy teto Madagasikara ny antsoina hoe fitsinjarampahefana tena izy. Antony nahatonga ireo faritra sasany hantsoina hoe tany lavitra andriana. Tsy maintsy harenina io fomba fijery izay miteraka kolikoly io, hoy ny minisitry ny Atitany sy ny fitsinjarampahefana.