Archives mensuelles: juin 2019

Taorian'ny fifampidinihana naharitra 3 andro teo @ mpitondra fanjakana Malagasy sy ireo mpandraharaha solika eto amintsika dia nidina avy hatrany ny vidin'ny solika ary tsy handoa "subvention" @ solika intsony ny fanjakana Malagasy.

Niverina ny zotra mampitohy an’Antananarivo – Johannesburg, Johannesburg – Antananarivo. Ny Alatsinainy 17 Jona teo no nanantanteraka ny sidina voalohany tany an-toerana ho amin’ity taona ity ny kaompania nasionaly Air Madagascar.

Mizotra ho amin'ny fampandrosoana i Madagasikara ankehitriny hoy ny masoivoho Frantsay androany, nandritry ny valan- dresaka ho an'ny mpanao gazety mikasika ny tatitry ny zava- bita nandritry ny 4taona niasany teto an- toerana. Na izany aza, mbola betsaka ny asa miandry raha ny nambarany.

3 andro katroka androany ny fifampidinihina teo amin’ny Filohan’ny Repoblika Malagasy RAJOELINA Andry sy ireo mpandraharaha solika eto amintsika. Dinika izay nanehoan’ny mpitondra Malagasy fa azo hatao tsara ny mampihena ny vidin’ny solika eto Madagasikara sy ireo mpandraharaha miaro ny tombotsoany amin’ny maha-mpandraharaha azy ireo. Mbola mitohy ny dinika amin’izao ora hanolorana anao ny vaovao izao.

Nanomboka omaly ny fanamboarana ny ampahan-dalana eo Ambatonakanga, ary ho tratrarina mialohan'ny fankalazana ny fetin'ny fahaleovantena ny asa araka ny nambaran'ny teo anivon'ny minisiteran'ny fanajariana ny tany, ny toeram-ponenana sy ny asa vaventy androany. Ho tapaka ato anatin'ny herinandro vitsy noho izany ny lalana eny an-toerana.

Nanomboka omaly tolakandro teny @ Lapan'Ambohitsirohitra ny fifampidinihina eo amin'ny Filohan'ny Repoblika Rajoelina Andry sy ireo mpndraharaha misehatra @ solika eto amintsika. Noporofoin'ny Filohan'ny Repoblika fa mitana ny teny nomeny izy ary mitsinjo ny vahoakany.

Ny fampidinana ny vidin-tsolika ho mifanaraka amin'ny tokony ho izy no andrasan'ny olontsotra manoloana ny fifanantonan'ny Filohan'ny Repoblikan'i Madagasikara sy ireo mpamatsy solika araka ny fanehoan-kevitry ny olompirenena. Miatraika mivantana amin'ny vidim-piainana an-davanandro izay fepetra horaisina eo hoy kosa ny mpahay toekarena nanontaniana.

Tsy maintsy hampandoavina hetra avokoa manomboka ny voalohan'ny volana jolay izao ireo mpiasam-panjakana hampiditra entana avy any ivelany eto Madagasikara, araka ny fepetra noraisin'ny fitondram-panjakana. Ity farany izay tafiditra amin'ny fametrakana ny fanjakana tan-dalàna.

Nomen'ny fitondrana fahafahana mivarotra tsipoapoaka ny rehetra ao anatin' izao fotoam- pankalazana ny fetim- pirenena 2019 izao. Voafetra ihany anefa ny toerana ahafahana manapoaka izany ho an'ny tsirairay raha ny fampitam- baovao izay navoaky ny minisiteran'ny fiarovam- pirenena androany.

Miteraka fahabangana lehibe eo amin'ny fidiram-bolam-panjakana ny tsy fitsanganan'ny filaken-vim-pitantanana eo anivon'ny Bureau du Cadastre Minier de Madagascar. Hatreto, mikatso avokoa ny fanomezana fahazahoan-dalana hitrandraka na ny fanomezana ny permis minier.