Archives annuelles: 2019

Tsy mbola hita taratra ny fanajana ny bokin’andraikitry ny fitaterana eto andrenivohitra. Taxibe 10 isan-kerinandro no miakatra CODIS momba ny fihoaram-pefy hoy ny koperativa. Azo alain-tahaka amin’ny fanajana ny lalàna mifehy ny fifamoivoizana ny fepetra noraisin’ny praiministra farany teo hoy ny mpanara-baovao.

Fiara 3 avy any Mahajanga sy Ambanja ary Antsohihy no saron'ny zandary nitondra Drakaka tsy ara-dalàna ny faran'ny herinandro teo. Drakaka latsaky ny habe 11 cm, fetra farany ambany omen'ny lalàna ireo sarona ireo. Manenjika "Quotas" ho an'ny taom-baovao Sinoa ny 04 sy 05 febroary 2019 ho avy izao izy ireo ka maka ireo Drakaka tsy ampy refy raha ny loharanom-baovao azo.

Nisy andian'olona voalaza fa irak'i Andriamatoa Hugues RATSIFERANA mpanolotsain'ny filoha teo aloha RAJAONARIAMPIANINA Hery namoaka entana tao amin'ny biraom-panjakana eny Ambohitsirohitra. Sarona tany amin'ny fitoeran'antan'io mpanolotsain'ny filoha teo aloha io ny entana sasany tamin'izany.

Anisan’ny tranga iray tsy mety foana eny anvion’ny fiarahamonina ny hala-jaza saingy tsy voaresaka firy. Manova paikady hatrany ireo mpanao ity asa ratsy ity. Ilaina ny fandraisana andraikitry ny rehetra ao anatin’izany. Araho anatin’ity fanadihadiana ity ny resaka nifanaovan’ny mpanao gazetin'ny kolo tv tamin’ny lasibatra.

Hiatrika fivoriana tsy ara-potoana manomboka ny Alarobia ho avy izao ireo solombavambahoaka eny Tsimbazaza. Ankoatra ny fitondrana ny politikampanjakana ankapobeny, isany lahadinika hodinihana ny momba ny rijantenin-dalàna mifehy ny fifidianana solombavambahoaka.

Ho vitaina amin’ny taona ho avy io ny fanamboarana ny Rovan’i Manjakamiadana hoy ny Filohampirenena nandritra ny fotoam-pivavahana androany. Tanjona ny hamerenana ny hasin’ny vakoka sy ireo toerana mana-tantara hoy ny fanazavana. Atomboka ny asa ary isany atao laharampamehana anatin’ny tetikasan’ny fitondram-panjakana hoy ny minisitry ny serasera sy ny kolontsaina.

Nandefa solotena hihaona mivantana amin'ny fitondram-panjakana ankehitriny ireo mpiasan'ny kraomita malagasy any Brieville manoloana ny olana lavareny eo amin'ity orinasam-panjakana ity. Mitohy hatrany ihany koa ny tolona raha ny fanazavan'ireo mpiasa hatrany.

Hahitana taratra ny maha iray tsy mivaky an’i Madagasikara sy ny vahoaka malagasy ny endriky ny goverenemanta ankehitriny. Izay no fanehoankevitr’ireo mpisehatra sednra ny mpanao gazety. Azo antoka fa anatin’ny fotoana vitsy dia ho hita taratra ny fandrosoan’ny firenena manaraka izay fotoana nifanarahana tamin’ireo minisitra. Ny fampandrosoana no vokatra andrasan’ny vahoaka amin’izy ireo hoy ny parlemanta nanoavana fanadihadiana.

Tahaka ny hita nanomboka ny alatsinainy lasa teo, mihazakazaka ny toe-draharaha eto amin'ny firenena. Asa ary asa avy hatrany no ilaina hoy ny filoham-pirenena. Araka izany, minisitera maromaro no nanatanteraka ny famindram-pahefana androany. Ireo minisitera tsirairay avy izay samy manana ny laharam-pahamehana araka ny nanirahana azy avy. Ato anatin'ity fanadihadiana manaraka ity no hanarahanao ny ampahany tamin'izany.

Hanomboka ny asa, ary tena hiasa sy ho porofoina amin ‘ny alalan’ny asa. Raha tsorina , ny asa vita no hifampitsarana . Izay ny ambetitenin’ny Minisitry ny fanajariana ny tany, ny toeramponenana sy ny asa vaventy androany ,nandritry ny fifamindram-pahefana teo aminy sy ireo minisitra teo aloha.