Archives annuelles: 2019

Saika niompana tamin’ny resaka fifidianana filohampirenena notontosaina farany teo sy ny mikasika ny fitondrana manaraka eo avokoa ny fanehoan-kevitr’ireo nanatrika ny fifampiarahabana ny fahatratrarana ny taona vaovao teny Iavoloha androany. Tsy namaly mazava ankilany ny kandida Marc Ravalomanana rehefa nanontanian’ny mpanao gazety raha toa ka hanaiky tahaky ny nambarany tamin’ny voalohany, ny voka-pifidianana ofisialy havoakan’ny HCC.

Naharitra 3 andro ny fialantsasatra natolotry ny KOLO TV sy ny sy ny Groupe JCR ireo nahazo samboady tamin'ny fifaninanana Miss Jeunesse Antananarivo. Nanotrona azy ireo tamin'izany i Daniella Razafimahaleo miss jeunesse madagascar. Fotona iray nialana sasatra sady nifankahafantarana bebe kokoa ho an' ireo ankizy.

Tontolon’ny fifidianana. Tokony hajaina ny safidim-bahoaka hoy ny firaisankinan’ny zanaky ny faritra 22 eto Madagasikara. Safidy izay mirona makany amin’ny kandida Andry Rajoelina. Ny tenany izay lany tamin’ny faritra 15 amin’ny 22 manerana ny nosy. Izany hoe Faritany 5 amin’ny 6. Tsy tokoy ho voarebireby amin’ny korontana sy krizy inbtsony ny vahoaka malagasy hoy izy ireo.

Nihena ny fanjifana sy ny vidin’ny litchi malagasy eo amin’ny tsena Eoropeana taorian’ny fetin’ny noely sy ny faran’ny taona. Manodidina ny 2.30 hatramin’ny 3Euro ny vidin’ny iray kilao. Ny kalitao nefa tsy miova. Fanadihadiana.

Nahafa-po ny rano ho an'ny fambolem-bary hoy ireo tantsaha izay ao anatin’ny finjinjana vary aloha ankehitriny. Avo roa heny ny fiakaran’ny vokatra raha oharina amin'ny taom-pambolena farany teo.

Mitaky 101 tapitrisa dolara amin’ny Air Madagascar ny Air France, araka ny nangatahan’izy ireo tamin’ny fitsarana « Tribunal de commerce de Paris » ny faha 12 ny voalana Desambra lasa teo. Ny hofan’ny Airbus A340 n’ny Air France nanomboka ny taona 2012 no anton’io trosa miopapana io.

Mitohy hatrany nyasa fanorenana eo anoloan'ny EPP sy eo amin'ny tanin'ny EPP Behoririka amin'izao fotoana. Raha ny fanazavana azo tamin’ny tomponandraikitra iray eo anivon’ny kaominina Antananarivo renivohitra, efa nisy ny fanafoanana ny fanorenana saingy misy olona ambadika nanome fanomezan-dalana vaovao.

Manoloana ny toe-draharaha nitranga teny amin'ny Parvis Analakely omaly, izay nanasoketan'ireo mpanao fihetsiketsehana teny an-toerana ny mpanao gazety izay manao ny asany. Namoaka fanambarana manameloka izany ny Presse Internationale eto Madagasikara.

Mangina tsy hahenoam-peo ny Filohampirenena mpisolo toerana ankehitriny manoloana ny fiantsiana ny andrimpanjakana mpikarakara fifidianana sy ny fitaomana olona hidina an-dalambe ataon’ny kandidà RAVALOMANANA Marc sy ny mpanohana azy. Midika inona izany fahanginana izany, hoy ny mpanara-baovao ?

Tsy marina akory ny filazana fa nanome alalàna ireo mpanao fihetsiketsehana eny amin'ny kianjan'ny 13 Mai ny minisitry ny fiarovam-pirenena. Fomba fiady ho entina mamerivery ny saim-bahoaka fotsiny ihany izany. Ny Praiminisitra lehiben'ny governemanta sy ny OMC na ny Organe Mixte de Conception ihany no manana fahefana amin'izany araka ny lalàmpanorenana Malagasy.