Archives mensuelles: août 2020

Olona miisa 17 nikasa handeha an-tsokosoko ho any Mayotte no tratehaky ny zandarimariam-pirenena any Ambanja ny Sabotsy lasa teo. Tratra tahak’izay ihany koa ilay sambo nokasana hiondranan’ireo olona ireo. Misy 3 hafa mbola karohana raha ny fanazavana.

CUA : polisy mosipaly miisa 100 no ho raisina amin’ity taona ity  Polisy monisipaly miisa 100 no fantatra fa ho raisin’ny eo anivon’ny kaominina an’Antananarivo renivohitra amin’ity taona ity ho fanatevenan-daharana ireo polisy monispaly misy ankehitriny. Natao izany ho fandrindrana sy fanamafisana ny fitandrona ny filaminana eny anivon’ny fiarahamonina. 

Melohin’ny CNIDH ny tranga famonoana ireo gadra nikasa itsoaka tao amin’ny fonjan’ny Farafangana omaly. Na inona na inona antony hoy izy ireo, zon’ny tsirairay ary tsy azo esorina aminy ny aina. 

Maro ny lamina napetraka amin’ireo toeram-piantsonan’ny taxibrousse ho fanatanterahana ny toromarika avy amin’ny fitondram-panjakana. Ho an’ny gare routière makis, misy ny logiciel vaovao ampiasaina. Ankoatra izay,  nanomboka androany ihany koa ny fandrarahana fanafody ho an’ireo taxibe eto Antananarivo.

Miroborobo amin’izao fotoana izao ny sehatry ny famokarana menaka azo avy amin’ny zava-maniry. Tanora iray monina sy mipetraka ao Antsirabe no manao asa tena misehatra manokanaeo amin’ny famokarana izany no entintsika manaraka izao.

Niverina nisokatra ny fahafahana mivezivezy ao amin’ny lakan-dranon’i Pangalanes any amin’ny faritra Atsinanana rehefa nikatona nandritry ny 5 volana. Lakan-drano izay mampifandray ny Distrikan’I Toamasina I amin’ireo distrika 4 mianatsimo Atsinanan’ny Nosy.

Isan’ireo toerana misedra ny olan’ny fikirakirana vola , ny fandoavana ny karaman’ny mpiasam-panjakana sy ny fandefasana taratasy sy entana ny any Ambondromamy. Tafiditra ao anatin’ny tetikasan’ny filoham-pirenena amin’ny fanaraha-penitra ny isam-paritra, hitsangana afaka 9 volana ny biraon’ny paositra any an-toerana.

Voafonja 20 no lavon’ny mpitandron’ny filaminana tany Farafangana ny atoan-dro teo vokatry ny fahavakisan’ny fonja tany an-toerana. Mitohy ny fitadiavana ireo voafonja tafatsoaka ankehitriny, izay tsy mbola fantatra mazava ny isan’izy ireo. Taorian’ity tranga ity, naka fepetra ny tomponandraikitra fa tsy maintsy mitondra karapanondro avokoa izay mivoaka ny trano.

Governemanta : lasa 25 ireo minisitra raha toa ka 24 teo aloha Notendrena ary nampahafantarina tamin’ny fomba ofisialy androany ireo mpikambana vaovao handrafitra ny Governemanta Malagasy. Minisitra 04 ; ny Minisitry ny mponina, ny minisitry ny Fahasalamam-bahoaka, ny Minisitry ny Fanabeazam-pirenena ary ny Minisitry ny Fampianarana Teknika sy ny fampiofanana arak’asa. 

Teboka 2 lehibe no isany nanakatonan’ny sampandraharaha ankapoben’ny hetra ny Magro Behoririka. Isan’izany ny tsy fanaovana ny fanambaram-pisiana mazava na ny déclaration d’existence mazava.  Hiitatra ny fanakatonana mandritra ny 15 andro raha tsy misy ny fampanarahan-dalanan’ny orinasa eo amin’izay antontan-taratasy samihafa izay.