Archives mensuelles: septembre 2020

Tafiakatra 69% ny taham-pahafana nandritra ny fanadinana CEPE teto an-drenivohitra tamin’ity taona ity raha toa ka 67% izany tamin’ny taona lasa. Nihatsara araka izany ny vokam-panandinana CEPE 2020 teto an-drenivohitrana na teo aza ny fisihan’ny Covid-19.

Tonga nanara-maso ny fanarenana ny lalam-pirenena faha-5 ny minisitry asa vaventy sy ny fanajariana ny tany omaly. Miroso ny asa araka ny hita tany an-toerana. Namafisin’ireo tomponandraikitra fa manaraka kalitao avokoa ny asa rehetra.

Nisitraka baka vaobao avy amin’ny fitondram-panjakana ny tao amin’ny kaominina Vohilaigo, Distrikan'ny Fenoarivo Atsinanana. Etsy ankilany maro ny foto-drafitr'asa hanomboka afaka fotoana fohy araky ny nambaran’ny Filohan’ny Repoblika nandritry ny fandalovany tany an-toerana.

Hanomboka ny fanamboarana ny ampahan-dalana eo anelan’elan’ny Arret 30 Ampasika sy ny 4 chemins. Nisy manoloana ion y lamina hapetraka momba ny fifamoivoizana.

Cisco maromaro no efa namoaka ny valim-panadinana CEPE androany. Rahampitso kosa ny an’Antananarivo renivohitra.

Fanadihadiana miavaka kely no aranintsika manaraka ity, Raim-pianakaviana iray mipetraka eny Ivato mandray an-tanana ireny alika gasy mirenireny an-dalana ireny I Harijaoana. Taona maro no nanaovany izany ary anisan’ny mampiavaka azy ny fahaizany mibaiko ireo alika gasy hitaingina “moto” .

Hihena ho 18 ny isan’ireo loholon’i Madagasikara etsy Anosikely amin’ny fotoam-piasana manaraka izao. Io no fantatra taorian’ny nahalany ilay volavolan-dalàna laharana 001-2020. Ahafahana manatanteraka fotodrafitrasa maro ny vola izay tokony ho karaman’ireo loholona amin’izao fampihenana izao raha ny nambaran’ny Solombavambahoaka.

Tokantrano miisa 100 mahery, ao anatin’ny fokontany Ampefiloha-Ambodirano ankehitrinyno mitaraina nohon’ny tsy fisitrahan’izy ireo ny fanampiana avy amin’ny fitondram-panjakana. Nambaran’izy ireo fa misy amin’ireo efa nisitraka tosika fameno no mbola nahazony “ticket” mikasika ny sosialim-bahoaka ao antin’ity fokotany ity. Manoloana io, mitaky nymangarahara amin’ny fizarana ny fanampiana izy ireo.

Nopotehin’ireo vahoaka avy amin’ireo fokontany miisa 5 mandrafitra ny kaominina Vohilavaireo fitaovana izay ampiasain’ireo teratany vahiny manao fitrandrahana volamena any an-toerana nandritra ny hfihetsiketsehana omaly. Tsy hanaiky hatramin’ny farany nyhanohizan’ny fitrandrahana ireo vahoaka raha ny fanazavana.

Mpiasa avy amin’ny orinasa tsy miankina manodidina ny 35 000 no efa nahafeno ny fepetraka afaka misitraka ilay fanampiana « tsinjo fameno » nambaran’ny filohan’ny repoblika hoyny tomponandraikitra eo anivon’ny Cnaps androany. Ankoatra izay, ny 24% ny vola natokanahanampiana ireo mpiasa no efa nampiasaina tamin’izany.