Archives annuelles: 2020

Fatin'ny zanaka Trozona izay tombanana ho 11 m sur 03 m ary eo amin'ny 03 T eo ho eo no hita raha natsipin’ny  ranomasina tao amin'ny faritra Matsinja – Nosy Be Hell ville. Mbola tsy fantatra ny antony sy ny fotoana nahafaty io trozona io. Atahorana vokatr’izay ny fahasalaman’ireo mponina izay naka menaka tamin’io fatina trozona io.

Misokatra ny fanadihadiana amin’izao fotoana izao manoloana ny kolikoly ara-nofo mitranga eny amin’ny anjerimanontolo, izay notaterina teto amin’ny fampahalalam-baovao. Andrasana manoloana izany ny valin’ny fanadihadiana sy ny fepetra horaisina amin’ireo mpampianatra voasaringotra amin’izany.

Olana lehibe tsy ahafahana mamongotra ny herisetra mifototra amin’ny maha lahy na mahavavy eto Madagasikara ny tsy fahasahian’ireo niharany na ireo mahita mitoroka eny amin’ny manam-pahefana. Porofon’izany ny fanadihadiana « grappe à Indicateur Multiples-MICS » izay maneho fa ambony ny tahan’ny herisetra ara-nofo eto amintsika.

Taorian’ny fepetra noraisin’ny fitondram-panjakana amin’ny famerana ny vidim-bary nafarana ho 550 Ariary, saika nampidina ny vidim-bariny avokoa ny mpanangom-bokatra raha ny fanadihadiana avy any Ambatondrazaka. Misy ihany ankilany ireo mpaninjara sasany milaza ny maty antoka amin’izay fampidinana ny vidim-bariny izay.

Hanao hetsika fitokonana indray ireo mpianatra eny Ankatso-I manolonana ny tsy mbola fahampian’ny rano maharitra  eny amin’izy ireo.  Hiahamafy ny hetsika raha tsy voavaha ny olana.

Nandefa taratasy misokatra ho an’ny Filohan’ny Repoblika, mikasika ny raharaha Nosy Mitsio ny CRAAD-OI. Fanontaniana hapetrak’izy ireo ny hoe amidy sa hampanofaina ity Nosy ity. Taorian’ny faharenesana fa misy ny fampanofana izany mandritry ny 99 taona no anton’ny ahiahy.

Manoloana ny olan’ny famatsian-drano izay mampitaraina ny mponina eto Antananarivo sy ny manodidina, nidina nijery ifotony ny fizotry ny asa fametrahana ny tobim-pamatsian-drano vaovao etsy Ankadindratombo ny minisitra tomponandraikitra androany. Tombanana hamatsy rano ny kaominina Alasora manontolo ny fotodrafitrasa izay hamokatra rano manodidina ny 100 metatra tora-3 isan’ora.

Manomboka miverina indray ny sinto mahery mahery vaika ao antampontananan’i Toamasina ao amin’izao fotoana izao. Tao amin’ny fokontany Ankirihiry Toamasina, mpiambina tranombarotra iray no voatsindrona antsy teo akaikin'ny fony rehefa namonjy vehivavy iray niharan'ny sinto-mahery omaly ariva tokony tamin'ny 06 ora.

Mihazakazaka ny fanamboaran-dalana amin’ny kaominina maro ato anatin’ny faritra Analamanga. Araka ny fitsidihana androany,  70% ny asa fanamboarana ny lalana mirefy 6,2 km miainga ao amin’ny kaominina Ankadikely Ilafy, mihazo an’ny kaominina Fiaferana ohatra no vita ankehitriny. Miroso tahak’izay ihany koa ny fanamboarana any amin’ireo kaominina hafa.

Hiverina, ho tafody eto Madagasikara ny akanjo volorin’ny printsesy RAMISINDRAZANA, nenitoan’ny Mpanjakavavy RANAVALONA III, sy sary sy ny maro hafa ; rehefa natao lavanty tany Londres androany. Ny fanjakana Malagasy arak’izany no nahazo izany nandritra ny lavanty notontosaina.