Archives mensuelles: mai 2019

Manan- danja hatrany, tsy ataon'ny olona mandalo fotsiny ny fankalazana ny fetin'ny Reny. Ho an'ny androany, niavaka ny tontolo andro hoan'ny ankamaroan'ny Reny nanontaniana. Ny zanaka etsy an- kilany, samy niezaka nampifalifaly ny Reniny raha ny fanazavana azo.

Eo amin'ny tontolon'ny fanabeazam-pirenena , tokana ny hafatra napetraky ny minisitry ny fanabeazam-pirenena mpisolo toerana enti - manantanteraka ny vinan'ny filohan'ny repoblika. Atsahatra ny gaboraraka. Voakasik'izany manokana ny diplaoma sy ny fampidirana mpampianatra. Notontosaina omaly tany Mahajanga ny fametrahana tamin'ny fomba ofisialy ireo talem-paritry ny fanabeazam-pirenena tao amin'ny faritra Betsiboka, Boeny, Melaky ary Sofia.

Hanampy ny sokajin’olona marefo eny anivon’ny fiarahamonina ny solontenan’ny Miss et Mister Malagasy avy any la Frantsa. Fitaovam-pianarana samihafa no natolony ny akany fitazaina zaza kamboty teny AMBOHIPOTSY. Tanjona ny hitondrana ny anjara birikin’ny rehetra amin’ny fampandrosoana.

Mitohy ny asa fanatanterahana ny politikam-panjakana ankapobeny. Isan'izany ny famerenana amin'ny tanjany ny zotran-dalamby mampitohy an'I Manakara sy Fianarantsoa na ny FCE. Lokomotiva 2 no ho tonga hanampy ny misy amin'izao fotoana hoy ny Filohan'ny Repoblika nandritry ny fandalovany tao Fianarantsoa.

Nalefan’ny Bianco any amin’ny Fitsarana misahana ny ady amin’ny kolikoly na ny (PAC) tamin’ity faran’ny herinandro ity ny raharaha fanodikodinana fananam-panjakana any amin’ny Distrikan’i Soanierana Ivongo tamin’ny volana jona 2017. Filoha lefitry ny Antenimierandoholona sy « Préfet » teo aloha no voarohirohy amin’izany.

Nakatoavin’ny HCC io takariva io fa mifanaraka amin’ny lalàmpanorenana ny didy hitsivolana laharana 2019-006 nataon’ny Filohan’ny Repoblika Malagasy manova ny fomba fanendrena sy ny fomba fiasan’ny Antenimerandoholona.

Mandeha miandalana ny fampitana ny fandaharana samihafa vokarin’ny Kolo TV/ fm any Antsirabe. Isany efa mamokatra fandaharaha avy any an-toerana ny onjam-peon’ny kolo fm 88.8. Manampy izany ny fandaharana maro avy aty an-drenivohitra izay natokana ho an’ny rehetra.

Nanantanteraka Asa tagnamaro ny teo anivon'ny minisiteran'ny fanajariana ny tany, ny toeram-ponenana ary ny asa vaventy androany. Fanadiovana faobe no notontosaina tamin'izany.

Hifarana rahampitso amin'ny 12 ora alina ny fotonan'ny fampielezankevitra. Amin'ny endrika telo samihafa ny bileta tokona ampiasaiana izay miankina amin'ny isan'ny mpilatsaka ho fidiana ao anatin'ny fari-piadidiana raha toa ka amin'ny endrika roa no hanehoan'ny mpifidy ny safidiny. Afaka mametraka fitoriana ireo kandidà manerana ny Nosy raha misy ny ahiahy sy tsy fanarahan-dalàna.

Misy foto-drafitr'asa miorina eo amin'ny tanim-panjakana ao Ivato amin'izao fotoana izao. Tany izay ilain’ny fanjakana ankehitriny hanorenana fotodrafitrasa iombonana. Tsy hita mazava ny fandraisan'andraikitry ny kaominina Ivato manoloana izany, na eo aza ny fanapahana navoakan'ny fanjakana mampiato ireo fanorenana rehetra.