Archives mensuelles: septembre 2019

Manana ny lanjany manokana ary miavaka eo amin'ny hetsika ara-koltoraly fanao eto Madagasikara ny Festival Sobahya izay notanterahina nandritry ny 4 andro naomboka ny faha 12 hatramin'ny faha 15 septambra tany Katsepy. Tonga nanatrika izany avokoa ireo vahoaka maro avy amin'ny lafy valon'ny nosy ho an'ny andiany faha 15 ity.

Naato avy hatrany ny famefena tany tsy ara-dalàna manamorina ny lakandranon’Andriantany etsy Antohamadinika Antaniavo taorian’ny fizahana nataon’ny polisin’ny fanajariana androany. Ankoatran’ny fanorenana manamorina ny lakandrano izay voararan’ny lalàna mifehy ny fanajariana mazava, isany nampiatona ny asa ny tsy fananana ny taratasy fahazoan-dalàna.

Mpandrahara maro no vonona hiara-hiasa amin’i Madagasikara nandritra ny « Forum Wave Madagascar » na ny fihaonambe iraisampirenena ho an’ny fampiasam-bola amin’ny sehatry ny fizahantany sy ny fitaterana. Fifanaovan-tsoniam-piarahamiasa maro no tontosa avy hatrany ka isany goavana amin’izany ny mpampiasa vola avy any DUBAI.

Miroso amin’izao fotoana izao ny dingana fanatanterahana ny « Tanamasoandro », izay tafiditra amin’ny fampanantenan’ny Filohan’ny Repoblika ho an’ny vahoaka Malagasy. Androany, delegasiona Sinoa 21 avy amin’ny fikambanana «  Organisation Mondiale de l’Economie Solidaire et Sociale » no nitsidika ny toerana hanatanterahana ny tetikasa. Nanamafisin’izy ireo tamin’izany ny fahavononana eo amin’ny lafiny ara-bola sy ara-pitaovana ilaina rehetra amin’ny fanatontosana ny asa.

Tsy ampy ankehitriny ny trano sy ny toerana fanaovana fampisehoana Teatra eto Madagasikara, hoy ireo mpisehatra amin’izany. Olana izay mampikatso ny firoboroboan’ny tontolon’ny Teatra Malagasy. Mitaky ny hijerena vahaolana manoloana io ireo mpanakanto. Fanadihadiana.

Aorian'ny famoahan'ny CENI ny lisitra ofisialy, mazava ny voalazan'ny lalàm-panorenana amin'ny andininy faha-64 fa tsy maintsy mametra-pialana ny mpikambana eo anivonny governemanta nirotsaka hofidina. Tsy voatery mametra-pialana kosa ankilany ny solombavambahoaka nirotsaka ho fidiana ho ben'ny tanàna.

Hamafisina amin’ny alalan’ny DGFNF na ny filan-kevi-pitantanana ny tahirimbolam-pirenena nasionaly eo anivon'ny sehatry ny fananantany, ny fanatanterahana ny fanavaozana ny fitantanan-draharaha mahakasika ny fananantany eto Madagasikara. Tanjona ny hampivoarana ny tontolon’ny fananantany raha ny fanazavana.

Anatin’ny fanatsarana ny lalana eto Antananarivo renivohitra, toerana maro no iharan’ny fahatapahan-dalana amin’izao fotoana izao. Ny mikasika izay indray no ho entina aminao ato anatin’ity fanadihadiana ity.

Nisokatra androany tetsy amin’ny CCI Ivato ny « Forum Wave Madagascar », fihaonambe iraisam-pirenena ho amin’ny fampiasam-bola amin’ny fizahantany sy ny fitaterana, izay andraisana mpandraharaha iraisam-pirenena anjara. Nambaran’ny Filohan’ny Repoblika RAJOELINA Andry nandritra ny fandraisany fitenenana, fa fanohitra lehibe ho an’ny fampandrosoana maharitra ny fizahantany.

Maro amin'ireo antoko politika mijoro eto amn'ny firenena no tsy mandray anjara amin’ny fifidianana ankehitriny. Tsy fantatra mazava noho izany ny antom-pisian'izy ireny? Ilaina ny fandraisana fepetra mahakasika azy ireny, raha ny fanadihadiana natao.