Archives mensuelles: janvier 2020
Mahajanga : dibo-drano ny tanàna, tapaka ny lalam-pirenena faha-4
Vahoaka maro any amin'ny ditrikan'i Mahajanga faharoa no traboina amin'izao fotoana izao vokatry ny rotsakorana sy ny ranobe. Ankilany, tapaka tanteraka ny lalampirenena faha-4 mampitohy an'Antananarivo sy Mahajanga amin'izao fotoana izao. Niainga io harivao io manoloana izany ireo teknisiana, sy ireo fitaovana entina hanamboarana ireo lalana tapaka ireo.
Bas Mangoky : tsy amidy ny tany, tsy haondrana any ivelany ny vokatra
Mbola tsy voafaritra mazava ny fifanarahana amin’ny orinasa vahiny miara-miasa amin’i Madagasikara amin’ny tetikasa fanitarana ny toeram-pambolena any Bas Mangoky hoy ny eo anivon’ny ministera tomponandraikitra. Na izany aza, nanamafy ny fiolhan’ny repoblikan’i Madagasikara fa isika no niantso azy ireo ary tsy amidy ny tany, tsy haondrana any ivelany ny vokatra.
Jirama : Ivon-toerana mpamokatra herinaratra 45 havadika hybride
Ivon-toerana mpamokatra herinaratra 45 no tsy maintsy havadika hybride : sady mihodina amin’ny solika no amin’ny herin’ny masoandro amin’ity taona 2020 ity. Hatao izany, ho famahana ny olan’ny fahatapahan-jiro, mampitaraina ny mpanjifa.
Fanasana sary : manodidina ny 30 isan’andro no tonga amin’ny ivon-toerana iray
Manoloana ny fivoarana misy eo amin’ny finday sy ny manodidina azy, mbola maro ireo olona tonga maka sy manasa sary eny amin’ny toerana voatokana ho amin’izany. Ny fahatokisana ny fahaizan’ ireny mpikirakira sary ireny no antony izany.
Kaominina Ankerana Avaratra : vita ny fanavaozana ny tetezana
Nohavaozina tanteraka ny tetezana ao amin’ny kaominina Ankerana Avaratra, Faritra Bongolava, Distrika Tsiroanomandidy. Tafiditra anatin’ny fanatsarana ny tambazotran'ny làlana sy fifamoivoizana manerana ny Nosy izao fanamboarana tontonsain’ny minisiteran’ny fanajariana ny tany, ny toeram-ponenana ary ny asa vaventy, amin’ny alalan’ny Fitantanam-paritra ao Bongolava sy ny Kaominina any an-toerana izao. Fanadihadiana.
Mampianatra Antanimora : notolorana « contrat de travail »
Nozaraina tamin’ny fomba ofisialy androany ny « Contrat de travail » ho an’ireo mpampianatra ireo ankizy tsy ampy taona eny Antanimora. Fandraisana ho mpiasam-panjakana izay tafiditra ao anatin’ny fampanantenana nomen’ny filohan’ny repoblikan’i Madagasikara.
Sampana mpamonjy voina : natsahatra amin’ny andraikiny ny « chef de corps »
Natsahatra avy hatrany tamin’ny asany ny chef de corps eo anivon’ny sampana mpamponjy voina Antananarivo renivohitra. Anton’izany ny tsy fahatomombanana sy ny tsy fandraisana andraikitra teo anivon’ny sampana mpamonjy voina manoloana ny fohitsahan’ny tany teny Avaradoha.
Asa fanaovan-gazety : hohatsaraina hatrany ny fiaraha-miasa amin’ny mpitondra fanjakana
Nanamafy ny fahavononany hihaino, hifampiresaka, hanome vaovao ho an’ny mpanao gazety ny filohan’ny repoblikan’i Madagasikara nandritra ny fiarahabana tratry ny taona nataon’ny solotenan’ny mpanao gazety, ny tonian’ny fanoratana, ny talen’ny famoahana, ny mpitantana sy ny tompon’ny orinasa ny maraina teo teny Iavoloha.
Fandaharan’asa « Be miray » : hamafisina ny fanentanana momba ny fahasalamam-bahoaka
Fa nahazo fampitaovana mitentina 4.5 tapitrisa dolara avy amin’ny sampandraharaha amerikana misahana ny fampandrosoana hanatsarana ny sehatry ny fahasalamana i Madagasikara. Io no entin’ny minisiteran’ny fahasalamam-bahoaka hamatsiana ny fandaharan’asa BE MIRAY, izay natomboka ara-pomba ofisialy tany Toamasina ny alakamisy lasa teo.
Fanovana governemanta : tsy maintsy hirosoana hoy ny filohan’ny repoblikan’i Madagasikara
Feno herintaona ny zoma ho avy izao ny nananganana ny governemanta izay tarihin’ny Praiminisitra Christian Ntsay. Tsy maintsy hiroso amin’ny fanovana ny governemanta isika hoy ny filohan’ny repoblika, aorian’ny fanaovana evaluation ho an’ireo minisitra tsirairay araka ny « contrat programme » efa napetraka mialoha.