Archives mensuelles: janvier 2020
Réaction solombavambahoaka
Tsy mifanohitra amin’ny lalam-panorenana araka ny feo aely etsy sy eroa ny fiarahabana tratry ny taona nataon’ireo solombavambahoaka ny filohan’ny repoblika sy ny vadiny teny Iavoloha ny maraina teo. Naneho ny heviny mahakasika izany ireo solombavambahoaka sendra ny mpanao gazety.
Fifidianana ben’ny tanàna : hivoaka amin’ny fomba ofisialy ny zoma izao ny vokatra
Rahampitso no havoaky ny Fitsarana misahana ny ady amin’ny fanjakana ny valim-pitsarana ireo disadisa sy tsy fetezana nandritra ny fifidianana Ben’ny tanàna sy mpanolo-tsaina farany teo ho an’ny faritany 06 eto Madagasikara. Ny zoma ho avy izao kosa no hivoaka amin’ny fomba ofisialy ny eny anivon’ny HCC raha ny lalàna.
Olana “Panier garni” : misokatra ny fanadihadiana
Manoloana ny olana niseho teo anivon’ny ministeran’ny fanabeazam-pirenena, ny fampianarana teknika ary ny fampiofanana arak’asa, namoaka fanambarana ny eo anivon’ny governemanta. Nosokafana ny fanadihadiana hahafantarana ny tomponandraikitra voakasik’izany.
Sandan’ny fanatsarana ny Kianja Barea : mirary raha mitaha amin’ireo kianja maro aty Afrika
Manomboka ny fanamboarana ny kianjan’i Mahamasina. Ao anatin’ny 18 volana no hanatanterahana ny asa ka ho vitaina mialohan’ny faha-26 ny volana jona izao ny tapany voalohany. Raha resabe voizina anatiny tambazotran-tserasera ankehitriny ny famatsiam-bolan’ny tetikasa sy ny saran’ny fanamboarana, nanamafy ny mpanolotsaina manokana misahana ny tetikasan’ny filohan’ny Repoblika fa mirary raha ampitahaina tamin’ny fananganana kianja tany amin’ireo firenen-kafa no hanaovana ny kianja Barea ary volan’ny fanjakana madio no hanatanterahana ny asa.
« Puce électronique » ho an’ny omby : tratra ny 50% ny tanjona napetraka
Ny 50% ny tanjona napetraka amin’ny fanapariahana ny « Puce électronique » ho an’ny omby amin’izao fotoana izao no vita hoy ny minisitry ny fambolena sy ny fiompiana. Ankoatra izay, hisy ihany koa ny fametahana « boucle électronique » hasolo ny kavin’omby hiadiana amin’ny hosoka sy ny dahalo ambony latabatra.
Kaominina Mananasy – Soavinandriana : ambany ny vidim-bokatra vokatry ny faharatsian’ny lalana
Mikaikaika ireo tantsaha ao amin’ny kaominina Mananasy, distrikan’I Soavinandriana amin’ny fahamoran’ny vidim-bokatra andraisan’ireo mpamongady. Vokatry ny faharatsian’ny lalana no voalaza fa anton’izany. Manaitra ny tomponandraikitra isan’ambaratongany ny fiadidian’ny tanàna any an-toerana.
Fahatapahan-jiro : an-dalana ny fanoloana ny pylône nianjera eny Behintsy
Araka ny efa notanterina teto amin’ny fampahalalam-baovao omaly, nidina ifotony ny tomponandraikitra eo anivon’ny orinasa Jirama nijery ireo fitaovana samba vokatry ny ora-mikija. Isan’ny hosolonoina amin’izany ny pylône ao Behintsy izay niteraka fahatapahan-jiro tamin’ny faritra maro.
Taona 2020 : tsy tokony ho hadino ny fanomezan-danja ny TENY Malagasy
Ankoatry ny fikasana hanatanteraka ireo vina sy fikasana ho an’ny tsirairay avy amin’ity taona 2020 ity, tsy tokony ho hadino na hatao ambanin-javatra ihany koa ny fanomezan-danja ny teny sy ny kolontsaina Malagasy. Manan-danja amin’izany ny fifanajana sy ny fahalalam-pomba raha ny fanadihadiana natao.
« TOA » : tsy misy hifandraisany amin’i « Carlos Ghosn»
Manoloana ny feo mandeha etsy sy eroa amin’ny raharaha Carlos Ghosn, namoaka fanambarana ny TOA na ny Trans Ocean Airways, omaly faha 04 ny volana janoary, fa tsy misy hifandraisany aminy. Ny TOA izay voaresaka ao amin’ny fitsoahan’i Carlos Ghosn.
Fanodikodinana ny volam-panjakana : andrasana ny fanasaziana ireo voakasik’izany
Andrasana amin’ity taona 2020 ity ny fanasaziana ireo nanao kolikoly nambotry firenena sy nanodikodina ny volam-panjakana teo amin’ny fitondrana teo aloha. Taorian’i Caludine RAZAIMAMONJY, handray an-tanana izany ny eo anivon’ny PAC na ny Pôle anti-corruption sy ny HCJ na ny Haute Cour de Justice.