Archives mensuelles: août 2020

Naiditra am-ponja vonjimaika ireo 3 lahy izay namono mpandraharaha MANANA JEAN RICHELIN ny 20 jona lasa teo. Olona akaiky azy ihany izao nahavanon-doza izao raha ny fanadihadiana nataon’ny mpitandro filaminana

Mavesatra amin’ny orinasa tsy miankina ny fiantohana manontolo ny fitaterana ny mpiasa araka ny lamina napetraky ny fitondram-panjakana farany teo. Ankoatran’ny vesatra mianjady azy ireo amin’ny fampandehanana ny orinasa anatin’izao hamehana ara-pahasalamana izao, tsy maintsy hanokanana teti-bola ny fitaterana ny mpiasa araka ny fanadihadiana. Isany misedra olana toy izay ihany koa ny sampandraharaham-panjakana isan-tokony.

Niverina nanomboka tamin’ity androany ity ny fizarana ny sosialim-bahoaka teto Antananarivo ka tao amin’ny kianjana Antanikatsaka Itaosy no nanatanterahana izany. Hifanindran-dalana ny fizarana ireo fanampiana sy ny fanadihadiana isan-tokantrano hahafahan’ny rehetra misikatra izany hoy ny tomponandraikitra.

Mitohy hatrany ny ezaka hanatsarana ny sehatry ny fanjifana sy ny fiarovana ny zon’ny mpanjifa eto Madagasikara. Ankoatran’ny fanamafisana ny fitakiana ny Certificat de consommabilité, nivoaka omaly ny taratasy fampahatsiahivana ny mpamokatra sy ny mpanafatra ny fivarotana ny entana tsy nahazoana ny fahazoan-dalàna mivarotra na ny Autorisation de Mise en Commercialisation.

10 Aogositra 1991 – 10 Aogositra 2020. Feno 29 taona androany ny rodoben’ny fahafahana na ny grande marche du 10 Aout sur Iavoloha . Hetsika izay nahafatesana olona maro manoloana ny lapan’Iavoloha. Araho ao anatin’ny fanadihadiana ary ny mikasika izay.

Misedra olona ireo tantsaha mpamboly karaoty sy ovy ao amin’ny ny Kaominina Ambano faritraVakinankaratra amin ’izao hamehana ara-pahasalamana izao. Manodidina ny 3 alina Ariary ny iraygony amin’ny Karaoty any an-teorana ankehitriny raha toa ka 5 alina Ariary izany teo aloha.

Ankoatra ny fanaraha-maso ireo fiara miditra sy mivoaka ny faritra Analamanga, hiompana amin’ny fampandriana fahalemana ihany koa ireo mpitandro filaminana manao ny « barrage sécuritaire » raha ny nambaran’ny tomponandraikitra eo anivon’ny zandarimariam-pirenena.

Mihoatry ny 1600 ireo teratany Malagasy any ivelany tsy maintsy haverina eto an-tanindrazana. Efa eo am-pelatanan’ny Minisiteran’ny raharaham-bahiny sy ireo Masoivoho isan-karazany ny lisitra ka miankina amin’ny toe-draharaha sy ny fahasarotana iainana any amin’ny firenena no hametrahana ny laharam-pahamehana amin’ny fampodiana azy ireo. Ny 15 Aogositra ho avy izao ny fampodiana voalohany araka izay fanapahan-kevitra ho raisin’ny Minisitera.

Maro amin’izao fotoana izao ny famandrihan-toerana ataon’ireo mpizahatany maniry ny hitsidika an’i Nosy Be. Taorian’ny naneken’ny filohan’ny Repoblika ny hisokafan’ny sidina ny volana oktobra izao, nambaran’ny CTM na ny Confédération du Tourisme Madagascar fa efa vonona ny mpisehatra amin’ny fanarahana ny fepetra ara-pahasalama rehetra. Na izany aza, maro no tsy mbola afaka mamerina tahaky ny teo aloha ny mpiasa ao aminy nohon’ny fatiantoka nisy.

Hiverina manomboka ny alarobia izao ny fizarana ny « Sosialim-bahoaka » eto Antananarivo renivohitra sy ny manodidina, taorain’ny fiatoana noho ny fandaminana sy ny fanatsarana natao. Na eo aza izany, mitohy hatrany ny fitetezana tokan-trano sy ny fanaovana « Digitalisation » ny lisitry ny mponina.