Archives quotidiennes: 2 avril 2021
Ambodimita : jiolahy 02 lavon’ny mpitandro filaminanaAmbodimita : jiolahy 02 lavon’ny mpitandro filaminana
Jiolahy 02 no maty voatifitry ny mpitandro filaminana io hariva io teny Ambodimita. Raha ny angom-baovao natao, nikasa hanatanteraka fanafihana mitam-piadiana sy nangalatra fiara izy ireo ka nenjehin’ny mpitandro filaminana, rehefa nifamaliana ny tifitra, jiolahy 02 no lavo, 01 azo sambom-belona ary iray hafa tafatsoaka. (Ialana tsiny amin’ireo izay mety ho tohina amin’ny sary)
Fialan-tsasatry ny mpianatra mandritry ny Paska : haharitra 15 andro
Hisorohana ny fipariahan'ny valanaretina Covid-19 , haharitra 15 andro ny fialan-tsasatry ny mpianatra, miankina na tsy miankina amin’ny fanjakana, mandritry ny Paska izay hanomboka ny zoma izao. Tsy tokony hisy fiantraikany amin’ny fanatratrarana ny programam-pampianarana izany raha ny nambaran’ny tomponandraikitra eo anivon’ny CISCO Tanà ville. Mihidy ao anatin’ny 14 andro kosa ny sekoly ahitana trangana Covid-19 miisa 3.
HCC : fantatra avokoa ireo mpikambana miisa 09
Notendren’ny Filohan’ny Repoblikan’i Madagasikara androany ireo mpikambana miisa 03, anjarany ao amin’ny Fitsarana ao momba ny lalam-panorenana. Fantatra avokoa araka izany ireo mpikambana eo anivon’ny HCC eny Ambohidahy.
Hetsika notarihin’ny Monima tany Atsimo : feno 50 taona androany
LancementFeno 50 taona androany ny hetsika fitakiana ny fahalalahana notarihan’i Monja Jaona sy ny Antoko Monima tany amin’ny faritra Atsimo izay namoizana aina malagasy maro. 50 taona aty aoriana, tsy mbola tratra ny tanjona hoy i Monja Roindefo, tsy mbola miaina ny tena fahalalahana sy ny demokrasia ny vahoaka Malagasy.