Archives mensuelles: juin 2018

2 taona katroka omaly ny nisian’ilay fipoahana nahafatesana olona 2 ary nandratrana 84 nanadritra ny tolakandron’ny fankalazana ny niverenan’ny fahaleovatena teny amin’ny kianjaben’i Mahamasina. Nokilasian’ny Filohampirenena ho asa fampihorohoroana iny tranga iny ary nilaza ny tsy hilefitra manoloana izany izy. Hatramin’izao anefa, tsy nisy tohiny intsony iny raharaha iny, izay mampametram-panontaniana ny mpanara-baovao ny anton’izany.

26 Jona 1960 - 26 jona 2018, feno 58 taona omaly ny niverenan’ny fahaleovantenan’I Madagasikara. Omaly no nanatanterahana ny matso lehibe nataon’ny Foloalindahy teo amin'ny kianjaben'i Mahamasina ho fanamarihana izany, iz aynatrehan'ny vahoaka malagasy sy ireo tomponandriakitra ambony eto amin'ny tany sy firenena ary ireo mpiara miombona antoka vahiny.

Fanamarihana ny faha-58 taona nahazoan'i Madagasikara ny fahaleovantenany. Manoloana indrindra ny raharaham-pirenena ankehitriny, samy niandry ny kabarin'ny Filohampirenena ny rehetra, indrindra ireo nanatrika ny lanonana teny Iavoloha. Saika fizahozahoana no namaritra ny ampahany betsaka tamin'izany. Tsara sy namokatra ny 4 taonan'ny fitondrana HVM, hoy ny filohampirenena.

Mikasika izay fankalazana ny fetin'ny fahaleovantena izay hatrany, ankoatry ny filatrona teny Mahamasina sy ny fankalazana teny Iavoloha, samy nanao fankalazana avokoa ny ankamaroan'ny kaominina nanaovana fanadihadihana. Fiarahamivavaka , fanomezana hasina ireo be antitra, fanomezana lanja ny tanora, ireo amin'ny ankapobeny no nentina nanaovana ny fankalazana fanadihadihana.

Ankoatra ny antoko MMM, manamafy ny tokony hamoahana izay fifanarahana politika ihany koa ny ray amandreny mijoro raha toa ka nisy marina izany. Niantefa tamin'ny fitsarana avo momba ny lalampanorenana ny antso nataon'izy ireo.

Nanaitra ny mpanara-baovao ny filazan'ny filohampirenena nandritra ny fitokanana ny  Toby famokarana herinaratra azo avy amin'ny masoandro tao Ampatolampy ny sabotsy teo fa tetikasan'ny filohampirenena izany. Raha ny fantatra anefa ny orinasa tsy miankina GREEEN YELLOW no nanangana sy mitantana izany. Takiana ny hisehoan'ny mangarahara anatin'izany raha ny fanadihadiana natao.

Ny volana mey lasa teo no vita sonia ny fifanarahana findramam-bola tamin'ny mpamatsy vola sinoa " Exim bank", ary vola mitentina 184 miliara ariary no nindramin'ny fanjakana malagasy tamin'izany. Fomba fiasa izay nanaitra ny be sy ny maro amin'ny fandaniana sy ny fampiasana ny volam-panjakana.

17 miliara ariary. Io no tetibola takian'ny CENI hanatontosana ny fifidianana ankoatra ny 40 milara ariary voarakitra ao amin'ny tetibolampanjakana 2018 ary efa nambara tany am-boalohany fa ampy hiatrehana ny fifidianana. Ankilany, tetikady hanemorana fifidianana no andraisan'ny mpandinika io filazana tsy fahampian'ny tetibola io indray.

26 Jona 1960 - 26 jona 2018, feno 58 taona androany ny nahazoan'i Madagasikara ny fahaleovan-tenany. Hetsika maro no nanamarihana izany nandritra ity volana jona ity. Nisy ihany koa ny matso lehibe teny amin'ny kianjan'ny Mahamasina. Arahintsika ny ampahany tamin'izany.

Nafana ny hetsika famaranana ny “Caranaval de madagascar” notontosaina teny mahamasina omaly. Ankoatra ireo trano heva isan-karazany, nisy ny fampirantiana ireo vokatra avy amin'ny Faritra. Nampiavaka ny hestika ihany koa ny fisian'ny fifaninana mampiavaka ny Faritra 22.