Archives mensuelles: juillet 2018

Ny 22 jona 2018 lasa teo dia nisy ny fanimbana sy fandorana fananam-panjakana sy biraom-panjakana nataona andian’olona maromaro tao Port Bergé. Betsaka ny zavatra simba tamin’izany ka tafiditra tamin’ireo simba fananana tamin’izany ny Ministeran’ny Tontolo iainana, ny Haivoahary ary ny Ala satria dia may kilan’ny afo ny Birao tany an-toerana, ny fitaovana sy ny antontan’taratasy rehetra.

Angatahan’ireo mpampianatra mpanabe miotokona ny hanemora ny fanadinam-panjakana 2 na 3 herinandro raha toa ka voavaly amin’ity herinandro ity ny fitakian’izy ireo. Tsy nahazoana fanazavana kosa ny teo anivon’ny ministeran’ny fanabeazam-pirenena. Ny herinandro teo raha tsiahivina, nilaza ny minisitra fa tsy hisy fihemorany ny fanadinam-panjakana.

Efa eo am-pamaranana ny fandaharam-pianarana ny ankamaroan’ny sekoly tsy miankina amin’izao tapaky ny volana jolay izao. Efa mivonona ihany koa amin’ny fiatrehana ny fanadinam-panjakana izay ho avy eo izy ireo raha ny fanadihadiana natao.

Miditra amin'ny andiany faha fito amin'izao fotoana izao ny fampianarana mamaky teny sy manoratra iarahana amin'ny ny vehivavy Malagasy Miara-Miainga. Tao anatin'ny 4 taona, maherin'ny 150 ireo efa nahazo tombotsoa tamin’izany

Hanao ahoana ihany ny amin’ireo fanadinam-panjakana tokony ho hatrehin’ny zaza Malagasy ? Tsy hita beny ihany hatreto. Velom-panahiana ny ray aman-dreny. Tsy mitombon-tsaina ireo mpianatra. Hisy ihany sa tsy hisy ny fanadinana amin’ity taona ity. Ahiana mafy ny haha taona fotsy ity taona ity.

Manohana ny fanatanterahana fifidianana malalaka, tsy manavaka ary mangarahara ao anatin’ny fe-potoana mifanaraka amin’ny Lalàmpanorenana i Frantsa. Io no nivoitra nandritra ny kabarin’ny Masoivohon’ny Frantsa eto Madagasikara, nandritra ny fankalazana ny datin’ny 14 jolay. Mahatsiaro ho tandindomin-doza amin’ny fakana an-keriny eto amintsika ihany ny teratany vahiny raha ny fanazavana.

Olona 2 isaky ny herinandro farafahakeliny ny olona voan'ny bala miditra hopitaly ao Maintirano, ankoatr'ireo voatsatoka’antsy sy lefona ary voavelin'ny bois rond. Mandry tsy lavoloha ny mponina ary very fanantenana ny amin'ny ho avin'izy ireo. Hatreto tsy mbola misy vahaolana azo tsapain-tanana avy amin'ny mpitondra fanjakana.

Tsy fantatra mazava ny marina mahakasika ny fisian’ny fifanarahana politika teto Madagasikara hatramin’izao. Nambaran’ny filohan’ny CFM na ny Conseil du Fampihavanana Malagasy nandritra nyfankalazana ny fetim-pirenena frantsay, fa tsy anjaran’ny CFM ny fanaovana izany, ny fampifanantonana ireo mpanao politika no nataon’ny CFM raha ny fanazavana.

4-bolana latsaka hiatrehana ny fifidianana Filohampirenena fihodinana voalohany, mila mamerina ny fitokisan’ny olompirenena ny Fitsarana Avo momba ny Lalàmpanorenana hahatomombana ilay fifidianana ambara fa ho eken’ny rehetra, hoy ny mpahay lalàna nanaovana fandihadiana.

Tafapetraka ny Zoma faha-13 jolay ny fitsarana manokana miady amin’ny fanondranana andramena sy ny hazo mainty eto Madagasikara. Araka ny fanazavana, ny tsy fahampiana ara-bola no antony tsy nijoroan’ity rafitra ity hatramin’izay. Ao anatin’ny enim-bolana no tsy maintsy hamoahan’ity rafitra ity didim-pitsarana mahakasika ireo raharaha andramena miisa 79 araka ny fanazavana.