Archives mensuelles: juillet 2018

Tsy misy nohajain'ny orinasa QMM ny fifanekena tamin'ireo tompon'ny tany izay hampiasain'ity orinasa ity raha ny nambaran'ny solon-tenan'izy ireo tonga eto Antananarivo. Voahitsakitsaaka vokatr'izany ny zon'olombelona sy ny lalàna mifehy ny fitrandrahana, hoy ny fiarahamonim-pirenena nanotrona azy ireo.

Fitakiana sendikaly samihafa. Hampikatso ny famorian-ketra eto an-drenivohitra ny snedikan’ny mpisan’ny sampandraharahan’ny hetra ny herinandro izao. Tsy hisy ny service minimum raha ny fanazavana. Tsy hisy intsony ny fandraisan-draharaha na ny service minimum. Ho an’ny mpanabe kosa, sendika 8 amin’ny 17 no nanasonia ny fifanaharana ka hiverina hampianatra. Mitohy araka izany ny fitakiana ho an’ireo sendika 11.

Nitombo 50% mahery raha oharina ny taona 2016 ny raharaha famotsiam-bola nalefan’ny teo anivon’ny SAMIFIN na ny Sampandraharaha Malagasy Iadiana amin'ny Famotsiambola eny amin’ny fitsarana. Tsy misy tamin’ireo voarohirohy tamin’ny raharaha maro ireo anefa no voasazin’ny lalàna hatreto.

Ilana fanaraha-maso akaiky ireo birao fandatsaham-bato manerana ny nosy hoy ireo mpanao politika tamin'ity androany ity hisorohana ny hala-bato. Indrindra taorian’ny fampitomboana isa ireo biraompifidianana ireo. Tokony handray ny andraikitra manandrify azy ny rehetra raha ny fanehon-kevitr'izy ireo, hisian'ny fifidianana madio sy mangarahara.

Mihoatra ny 350 tapitrisa dolara isan-taona ny vola very vokatry ny tsy fifehezana ny sehatry ny jono eto Madagasikara raha ny nambaran’ny minisitra tomponandraikitra. Ny tsy fisian’ny fitantanana maharitra ny harena an-dranomasina, ny tsy fahampian’ny fanarahamaso sy ny fitiliana ny fanaratoana tsy ara-dalàna no olana raha ny fanadihadiana natao.

Manohy hatrany ny manohy hatrany ny ramatahora sy ny fanampenam-bava fanaony ny fitondrana HVM hoy ny mpisolovava, RAZAFINJATOVO Willy. Ny tenany izay namoronana dossier vokatry ny fitsikerana ny fitondrana ka nampiakarina CODIS eo amin'ny holafitry ny mpisolovava omaly.

Tsy namaly ny fiantsoana nataon’ny BIANCO ny ankamaroan’ireo solombavambahoaka voarohirohy tamina raharaha kolikoly nandritra ny fampandaniana ny lalàmpifidianana. Solombavambahoaka 7 tamin’ireo 16 nantsoina ihany no namaly ny antso, hoy ny Tale Jeneralin’ny Bianco.

Omaly no fankalazana ny andro iraisam-pirenena momba ny fitsarana iraisam-pirenena. Tsy misy tombotsoa ho an'ny Madagasikara ny fitsarana iraisam-pirenena na ny « justice Internationale » raha ny fanehon-kevitry ny manam-pahaizana amin'ny fifandraisana iraisam-pirenena. Raha tsy mitingolana ity fitsarana ity efa tokony teo am-pelatanan'ny malagasy ny Iles Eparse raha ny fanazavany hatrany.

3 volana mahery kely mialoha ny hanatanterahna ny fifidianana Filohampirenena fihodinana voalohany no manao antso avo ireo kandidà hanao sonia ny ambarany ho “Pacte des candidats” ny Vaomiera Mahaleotena mikarakara ny fifidianana na ny CENI. Tsy mahatoky ny fahendren’ny mpanao politika Malagasy ve izany ny CENI?

48 miliara Ariary marina ve ny ristournes tokony alohan’ny tetikasa Ambatovy ao anatin’ny 5 taona, hoy ny mpahay toekarena iray nanaovana fanadihadiana androany? Etsy ankilany, ilaina fangaraharana tanteraka ny fitantanana io vola io mba hisian’ny fampandrosoana marina eo amin’ny kaominina sy faritra voakasik’izany.