Archives mensuelles: octobre 2018

Androany no nivaly ny valim-panadinana bakalorea ho an'ny faritanin' Antananarivo. Nahitam-piakarana eo amin'ny 3% ny taham-pahafahana raha hoarina tamin'ny taon-dasa. Toy ny isan-taona, teo amin'ny iray volana teo hatrany ny faharetan'ny fitsarana hatramin'ny famoahana ny valim-panadinana.

Tafidina 130 kilao ny volamena naondran’i Madagasikara tamin’ny ity taona 2018 ity raha nananika ny 340 kg izany tamin’ny taon-dasa, raha ny tatitra navoakan’ny ANOR. Tsy mifanaraka amin’ny tarehimarika azo avy amin’ny tsenam-bolamena eran-tany navoakan’ny Banky iraisampirenena ity tarehimarika navoak’ny ANOR ity hoy ny mpahay toekarena nadihadiana. Ny fitombon’ny fanondranana antsokosoko no ambadin’izany raha ny fanazavana hatrany.

Mpanao gazety miisa 10 no navoaka tamin'ny fomba ofisialy omaly maraina taorian'ny fahavitam-piofanana. Fiofanana ho an'ny mpanao gazety tanora izay nokarakarain'ny FES tamin'ity taona 2018 ity izay andiany faha 6. Anisan'ny mpandray anjara tao anatin'izany moa ny mpanao gazetin'ny kolo tv fm izay teo amin'ny laharana faha 3.

Mihenjan-droa ny tady eo amin'ny mponina sy ny ben'ny tanàna Ambohidratrimo mombann'y fakana ranon-tany hanamboarana lalana. Tany mana-tompo no hakana ranon-tany, tsy misy fifampiresahana, tsy misy fanonerana. Nankaiza ny vola tamin'izany hoy ny mponina.

Mitana ny laharana voalohany amin’ny kolikoly ny sampandraharahan’ny fananan-tany eto Madagasikara araka ny fanadihadian’ny BIANCO sy ny Transparency International. Endrika kolikoly mateti-pitranga ny famoahana antontan-taratasy momba ny boky rovitra sy ny maro hafa raha ny fanazavana hatrany.

Tontosa androany tetsy amin’ny Carlton Anosy ny ady hevitra ho an’ireo kandidà hilatsa-kofidiana amin’ny fifidianana ho filohampirenena na ny « Le débat des candidats à la présidentielle 2018 ». Adihevitra nisokatra ho an’ny kandidà tsy ankanavaka nampahafantarina ny vina sy ny tetikasa hampandrosony ny firenena.

Tontolon'ny baolina kitra indray kosa. Nisy andian'olona nanakana sy nitoraka ny fiara nitondra ny ekipan’ny Barea de Madagascar rehefa nody tokony tamin’ny 8ora alina. Korontana nateraky ny fahatapahan-jiro no niteraka io fitorahana io raha ny nambaran’ny teo anivon'ny Fédération Malagasin'ny Baolina.

Misy ahiahina kolikoly ny fitrandrahana volamena ataon'ny orianasa vahiny Mac Lai Sim Gianna any amin'ny kaominina Vohilava, distrikan'ny Mananjary hoy ny fiarahamonim-pirenena Craad-OI. Ho ringana ny volamena ao amin'ity distrika ity raha ny zava-misy ankehitriny no tsy misy fandraisan'andraikitra hoy izy ireo.

Tafita amain'ny CAN 2019 ny barea de Madagascar taorian'ny fandresen’izy ireo ny ekipan'i Guinée Equatorial omaly tetsy amin'ny kianjan'i Votovorona. Sambany teo amin'ny tantaran'ny baolina kitra Malagasy.

Notanterahina omaly ny famotehana ireo basy tsy ara-dalàna sy tratra nandritra ny hetsika fampandriana fahalemana manerana ny nosy. Fanehoana ny finiavan'ny fitondram-panjakana hiady amin'ny tsy fandriam-pahalemana no anton'izany. Hetsika izay voalohany teo amin'ny tantaram-pirenena.