Archives mensuelles: novembre 2019

Vola mitentina 1,6 miliara Ariary . Izay no entina hanarenana ny olan’ny fotodrafitrasa amin’ny ankapobeny eo anivon’ny JIRAMA ao anatin’ny fotoana fohy. An-dalana ny famahana ny olan’ny delestazy. Androany, nidina ifotony nijery ny zava-misy teny amin’ny centrale Ambohimanambola ny minisitra mpisolo toerana tomponandraikitra.

Nanotrona ny lamesa lehibe ho fanitarana ny Katedraly Maria Manjaka Namahora ao Morondava ny filohan'ny repoblikan'i Madagasikara, nandritra ny andro faharoa nitsidihany tany an-toerana omaly. Nampanantena ny filoha fa hanome Lakolosy ho an'ny Katedraly vaovao. Nisy ihany koa ny fanomezany rakibolana 6 hetsy hanatsarana ny kalitaon'ny fampianarana.

Miditra an-tsehatra manoloana ny ady atao amin’ny tsy fandriampahalemana indrindra fa ny ady amin'ny halatr'omby any amin’ny Distrikan’i Mitsinjo ireo vahoaka sy ny tompon'andraikitra eny anivon'ny fokontany amin'izao fotoana izao. Omby 10 mahery no tafaverina amin’ny tompony ary jiolahy 2 no voasambotra tany an-toerana.

Isan’ireo malagasy, salama tsara amin’izao faha-93 taonany izay i Bebe Marie. Izy no mikarakara sy mamelona ireo zanany telo izay tsy salama ary manao ny asa rehetra ao an-tokantrano. Ny momban’i Bebe Marie sy ny lalam-piainana no hotanterin’i Ony Nasaina eo amin’ny sarin’i Andry Nantenaina amin’ity fanadihadiana ity.

Hatomboka ny fanorenana Oniversite sy CEG manara-penitra ao Morondava, hamboarina ny orinasa SUCOMA sy i DABARAHA, io no nisongadina nandritra ny fitsidihana nataon'ny filohan'ny Repoblikan'i Madagasikara sy ireo delegasiona niaraka taminy tany an-toerana. Nisy ihany koa ny fizarana Kit Scolaire ho an'ny EPP sy ny CEG ary ny fitsidihana isan-karazany.

Nogiazan’ny mpanao fanadihadiana eo anivon’ny autorité de la concurrence ny Air Austral. Antony raha ny fantatra ny fiafaran’ny fifamoivoizan’ny Corsair eto Madagasikara sy any amin’ny Nosy La Réunion. Raha ny fanazavana azo androany teo anivon’ny kaompaniam-pitaterana Air Madagascar sy ny minisitry ny fitaterana sy ny fizahantany, tsy atahorana hisy fiantraikany amin’i Air Madagascar izany.

Maheri'ny 700 ireo tonga nanantona ny birao fakan-kevitra momba ny Tana Masoandro etsy amin'ny Village Voara Andohatapenaka hatramin'izao. Maherin'ny 80, amin'ireo ireo tonga teny an-toerana no nanantontosa fanomezan-toky hamarotra ny taniny. Mitohy kosa ny fisokafan'ity birao momba ny Tanà Masoandro ity.

Hanolotra vola mitentina 7,5 tapitrisa dolara ho an’ny fitondram-panjakana Malagasy ny firenena mikambana entina hanatsarana ny lafiny fandriampahalemana manerana ny Nosy, izay no nivoitra nandritra ny fihaonana teo amin’ny roa tonta teny amin’ny minisiteran’ny raharaham-bahiny Anosy androany maraina.

Mitohy ny fisafoana ataon’ny tafika malagasy amin’ireo faritra mafana amin’ny asan-jiolahy eto Antananarivo renivohitra. Faritra 7 ahitana miaramila mpanao fisafoana na Patouille Militaire no nanaovan’ny lehiben’ny fibaikona ny RM 1 fidinana tampoka alina.

Voatendry ho Governoran'ny Banky foiben'i Madagasikara i RABARIJOHN Henri, araky ny filankevitry ny minisitra omaly. Manana traikefa betsaka amin'ny fitantanam-bola ny tenany, raha ny sehatr'asa nolalovany no jerena.